المساعد الشخصي الرقمي

مشاهدة النسخة كاملة : شحته آخر زمن


LAYLA
06-10-2007, 04:34 PM
مساء الخير،
لفت أنتباهي هالفترة كون طلعاتي كثرت للأسواق والمطاعم
ظاهرة التسول غير الطبيعية ومن الجنسيات السعودية.. أو من اللي يتظاهروا بأنهم سعوديين

عاد من كثر ما أعلق عليهم في الروحة والجيه، وأنا اتسأل عن سبب هالكثرة المفاجئة
جاني رد أختي أن الإجازة على الأبواب :biggrin1: :drunk: والسياح بيهلوا :biggrin1:

الزبدة هالموضوع ودي لو نذكر فيه مواقفنا الغريبة مع الشحاتين.

وببدأ أنا واحكي لكم آخر موقف صار لي،
كنت طالعه من محل، ويلحقني بسلامته بشماغه وشاب بصحته وعافيته
وربي أني استحيت يوم شفته يطلب حق الله مني :(

قلت له : الله يعطينا ويعطيك ومشيت

لحقني وقال: اعطيني اي شي

هنا استفزتني وقاحته، أنا مو قادرة اطالع فيه مابي احرجه وهو مُصر يشحت

رديت وقلت: الله يعطينا ويعطيك وأنا افتح باب السيارة,

إلا يقول لي: الله يستر عليك، عطيني اي شي..عطيني الخاتم اللي لابستيه

< :eek5: قلت له نعم ؟!!

روح اشتغل بدل ماتطلب خلق الله وتطيح بوجهك .

قال : مالقيت شغل .

كان ودي اقول له حتى أنا مالقيت شغل بس ماشحت بس حسيت المثال غبي :tapedshut:

قلت له: والله لو تمسح السيارات وتاخذ لك اللي فيه النصيب < شحته بطريقه غير مباشرة
أنه ابرك لك، استح على طولك وعرضك .

وقفلت باب السيارة .

وهو يخبط بيده على قزاز السيارة، عنده أمل :tapedshut:


طبعا يوم مشيت جلست افكر أنه لايمكن لو كان سعودي يشحت بهالطريقة الا لو كان مدمن :eek5:
LAYLA
06-10-2007, 04:42 PM
موقف ثاني، كنت طالعه من محل .

ويوقفني هالفبيني وأنا بركب السيارة يقول لي (بعد الترجمة طبعا :biggrin1: )

أنه تو مسلم، وغيره اسمه إلى محمد .. قلت له ماشاء الله ورحبت به في الاسلام .
ويوم جا السوق يمشي، طلع لي الفلبيني ملف.. قلت أنا للسواق : وقف .

فتحت الشباك: الا هي بطاقه من مكتب دعوة الجاليات انه مسلم جديد واسمه ورقمه وصورته
قلت له مبروك، وعدت نفس عباراتي له .

تجيكم المفاجئة، يقول لي : بكره بنطلع مكه والمدينه إنشاء الله

وانا مبتسمه، إبتسامة تقول وش تبي ؟ وأنا مالي :biggrin1:
وارجع واعيد نفس عباراتي له .

المهم والخلاصة بعد ما حكى لي قصة اليوم وبكرة ووين ساكن
طلب مني، مبلغ احرامه !! :tapedshut:

هنا أنا ماقدرت، وسألته : مع مين بيروح مكه والمدينه ؟
قال مع جماعه مسلمه .
قلت ايه مني اللي متكفل فيكم؟
قال أخ كريم وذكر لي اسمه .

يعني ما ادري هالرجال على باله اني غبيه والا وش؟
الحين اللي بيتكفل بروحته وجيته لمكه والمدينة ماراح يتكفل بإحرامه !!!

طبعا ملامح وجهي هنا تغيرت، اختفت الابتسامة وقلت له :

الاسلام، يرفع صاحبه حتى عن طلب الناس.

ورفعت شباكي وقلت للسواق انطلق :biggrin1:
فضاءات
06-10-2007, 04:57 PM
أهلاً ليلى
أعتقد أن مسألة التسول بدأت تتحول من كونها حالة الى ظاهرة بحاجة الى معالجة فعلية
ويجب على الدولة عدم تجاهلها لأنها أصبحت شيء لا يمكن تجاهله أو نفيه بعدما أتسعت بشكل غير طبيعي وأصبح منظر المتسولين مصاحب لكثير من إشارات ومساجد وأسواق المدن, خصوصا جدة التي بدأت تستفحل فيها هذه الظاهر بشكل كبير جداً.
LAYLA
06-10-2007, 05:06 PM
أهلاً ليلى
أعتقد أن مسألة التسول بدأت تتحول من كونها حالة الى ظاهرة بحاجة الى معالجة فعلية
ويجب على الدولة عدم تجاهلها لأنها أصبحت شيء لا يمكن تجاهله أو نفيه بعدما أتسعت بشكل غير طبيعي وأصبح منظر المتسولين مصاحب لكثير من إشارات ومساجد وأسواق المدن, خصوصا جدة التي بدأت تستفحل فيها هذه الظاهر بشكل كبير جداً.

تستفحل ؟
مستفحله ومخلصه يا فضاءات .

لا جدة صايرة شي غير طببيعي، وفي نقاش لي مع اختي
قالت لي هذولي مو سعوديين ولاهن سعوديات.. هذولا اجانب استوطنوا وصاروا سعوديين بالقوة .

تعرف وين المشكلة، أنه اضافة الى إن التسول ظاهرة غير صحية
إيضا صارت تُستخدم في الاساءة الى أهل البلد بطريقة غير مباشرة . بمعنى
وصلهم أن الناس بطلت تستجيب لغير السعوديين وصاروا ينتحلوا شخصية السعودي ويشحتوا فيها !!

من مده، طالعه أنا وأختي من محل ويلحقن واحد جثة واسود أظنه تكروني
ويحلف برب الكعبة أنه من بيشة، ويبي حق الله

يالله فحل وربي كلمة فحل متفحل قليلة عليه
يعني لو يشتغل حمال، أنه ابرك له !!

الا بالمناسبة قرأت جريدة عكاظ يوم الجمعة ؟!
في مقال حي، يخص التسول بس أنه يُظهر جانب اخر مو التسول كتسول.

المقال على قد ما قرأته وضحكت على قد ما استصبت وتضايقت :(
No
06-10-2007, 05:06 PM
مافيه مجتمع سليم من الفقر او المتسولين ولكن يجب علينا باي حاله من الأحوال عدم نهرهم متمثلين بقول الله تعالى
(وأما السائل فلا تنهر، وأما بنعمة ربك فحدث)

وقد يكون في كثير من الحالات مسؤليتنا كأعضاء في المجتمع أن نحاول تحسين الأوضاع ولو بإعطائهم القليل
وعدم جعل انفسنا قيمين على سلوكياتهم التي نجهل احداثها
Officer Bing
06-10-2007, 05:09 PM
صار معي مواقف كثيرة مع الشحاذيين : اذكر منها اثنين :

الموقف الاول : كنت رايح لمطعم بخاري . وطلبت غدا وكنت جالس انتظر يخلص الطلب واذا واحد جاي وقال انا ابي فلوس بشتري غدا . الولد شباب شوي يعني يقدر يشتغل لو يمسح سيارات اشرف من انه يطلب ... بالعادة اعطيهم بس هذا مسكت معي قلت بشوف وش قصته . قلت كم غداك .. قال عشرة او خمسطعش . قلت اوكي بس شوف حنا بمطعم اطلب الغدا اللي يعجبك وانا ادفع عنك لو تبي 50 ريال . رفض رفضا قاطعا يقول انا المطعم هذا مااحب اكلهم ولا ادانيه وانا بروح لمطعم ثاني اتغدى والمطعم المذكور يبعد حوالي 500 متر . . قلتله خلص اسبقني للمطعم ولاخلص طلبي بروح وانا طالع للمطعم الثاني واحاسبلك عن غداك . يوم شاف مافي امل اعطيه كاش قال خلص بسبقك للمطعم الثاني . جلست يمكن 5 دقايق او اقل وجهز طلبي . ووصلت المطعم الثاني ادور الرجال ورجعت مع نفس خطي والرجال اختفى .سألت عنه واحد بالمطعم الاول بعد فتره قال هذا يا يسكر فيهن يايشفط .يجمع خمسين ريال يشتري قنينة موية صحة عرق :biggrin1:

الموقف الثاني كنت في جدة مره : والا بنتين مبرقعات اعمارهن اتوقع من 20 الى 28 كحد اقصى . . في ليموزين وقالن لي : حنا مسافرات وصار على اخونا حادث ودخلناه مستشفى خاص ونقص علينا فلوس عن حسابهم ومالنا الا الله ثم الوجيه الطيبة وعطنا رقم حسابك اول ماناصل ديرتنا نرسلك المبلغ على طول . . انا الشغله كلها مادخلت مشطي ..قلت باي مستشفى مرقد اخوكم ... قامن يلفن ويدورن الزبدة قلت فلوس مافي واذا صحيح اخوكن مريض ومحتاج فلوس علشان يطلع من المستشفى اسبقوني للمستشفى وانا بدفع حسابه هناك . وززززززززززززط وماتشوف غير دخنة الليموزين . :eek5:


الشحذه نوعين :

اول نوع : شحذه مكركبه يعني اللي مكسوره رجله او يده او يسوي حاله متخلف عقليا او ثياب مقطعه وهذا هدفهم 5 ريال كحد اقصى .

النوع الثاني : شحذه هاي كلاس مثل شغلة الفلبيني خوي ليلى :drunk: او قصة البنات اللي فوق . وهذي تهدف الى 50 ريال كحد ادنى .
LAYLA
06-10-2007, 05:14 PM
مافيه مجتمع سليم من الفقر او المتسولين ولكن يجب علينا باي حاله من الأحوال عدم نهرهم متمثلين بقول الله تعالى
(وأما السائل فلا تنهر، وأما بنعمة ربك فحدث)

وقد يكون في كثير من الحالات مسؤليتنا كأعضاء في المجتمع أن نحاول تحسين الأوضاع ولو بإعطائهم القليل
وعدم جعل انفسنا قيمين على سلوكياتهم التي نجهل احداثها

كلامك صحيح يا نوميرسي، لو كنت تشوف شحات شحاتين في الشهر
لكن بكل مكان، يا اخي الموضوع اكبر من الفقر وطلب حق الله.. السالفه سالفة عصابات

ياخيو حتى اللي يشحت تشوف فيه كسره، هذولي فيهم قوة عين وبجاحه مو طبيعيه !

أنا كنت بداية كذا، زيك بالضبط.. اقول نفس كلامك .. لكن مع قوة الملاحظة، عرفت أن السالفه نصب في نصب

تدري عاد.. مقابل لصدلية النهدي في شارع التحلية بجدة
شاب باكستاني يشحت من وهو صغير
وربي أني أول امس شايفته رجال عود، بشنب :biggrin1:

تخيل حجم الثروة اللي كونها والا ماكان مسنتر بنفس المنطقة هالعمر كله !!

ياخي اللي كانت معي نطقت، وقالت : تلقيه باني بيوت في باكستان من هالشحته
عاد منطقة التحليه محفزة وتفتح النفس :)
No
06-10-2007, 05:25 PM
كلامك صحيح يا نوميرسي، لو كنت تشوف شحات سحاتين في الشهر
لكن بكل مكان، يا اخي الموضوع اكبر من الفقر وطلب حق الله.. السالفه سالفة عصابات

أنا كنت بداية كذا، زيك بالضبط.. اقول نفس كلامك .. لكن مع قوة الملاحظة، عرفت أن السالفه نصب في نصب

تدري عاد.. مقابل لصدلية النهدي في شارع التحلية بجدة
شاب باكستاني يشحت من وهو صغير
وربي أني أول امس شايفته رجال عود، بشنب :biggrin1:

تخيل حجم الثروة اللي كونها والا ماكان مسنتر بنفس المنطقة هالعمر كله !!

ياخي اللي كانت معي نطقت، وقالت : تلقيه باني بيوت في باكستان من هالشحته
عاد منطقة التحليه محفزة وتفتح النفس :)

هذي شريحة موجوده في اي مجتمع ولا دخل للجنسيات واللغات فيها ومثلها مثل اي شريحه يجب على المجتمع تقبلهم
يعني شريحة شحاتين او شريحة مرتشين او شريحة وزراء او شريحة موظفين او شريحة عاطلين هذه شرائح تكون المجتمعات وهي متماثله من حيث الإنتاجيه سلبيه او ايجابية ولتركيز اي شريحة من شرائح المجتمع تملك صفات الشرائح الأخرى وكلها ابعد ماتكون عن الحاجات وكلها تهدف الى زيادة الفائدة فلا فرق في منظور المجتمع بين وزير مالية وشحات في شارع التحلية من حيث الإنتاجية والسلبيات والإيجابيات وتوافقهما في الهدف فيجب علينا كمجتمع نؤمن بالتكافل الإجتماعي والتفاهم مع جميع شرائح المجتمع ان ندعم وزير المالية في قراراته وندعم ايضا الشحات في خياراته
واذا اخذنا المسئله من منظور اقتصادي فسوف نجد ان الشحات يقدم خدمة جليله الا وهي بقاء المبالغ الماليه بعيدا عن اليه التدوير وبهذا هو يساعد في حل مشكلة التضخم حيث بتجميد امواله تزيد قيمه الأموال المدارة في المجتمع
إبرهه الحبشي
06-10-2007, 05:56 PM
ههههههههههههههههههههههههههههههههههههه

طيب طيب !

من المواقف التي أذكرها !
كنت انتظر دوري عند صراف آلي !
وكان فيه شحاذ واقف عند الباب !
سحب واحد وهو طالع مد ليه الشحاذ يده وطلبه !
قام الرجّال وعطاه ريال !
ناظر له الشحاذ ( واللي اعتقد انه موسوس ) وقال :
ياخي مستخسر تعطيني من اللي سحبتهم !!!
LAYLA
06-10-2007, 06:14 PM
صار معي مواقف كثيرة مع الشحاذيين : اذكر منها اثنين :

الموقف الاول : كنت رايح لمطعم بخاري . وطلبت غدا وكنت جالس انتظر يخلص الطلب واذا واحد جاي وقال انا ابي فلوس بشتري غدا . الولد شباب شوي يعني يقدر يشتغل لو يمسح سيارات اشرف من انه يطلب ... بالعادة اعطيهم بس هذا مسكت معي قلت بشوف وش قصته . قلت كم غداك .. قال عشرة او خمسطعش . قلت اوكي بس شوف حنا بمطعم اطلب الغدا اللي يعجبك وانا ادفع عنك لو تبي 50 ريال . رفض رفضا قاطعا يقول انا المطعم هذا مااحب اكلهم ولا ادانيه وانا بروح لمطعم ثاني اتغدى والمطعم المذكور يبعد حوالي 500 متر . . قلتله خلص اسبقني للمطعم ولاخلص طلبي بروح وانا طالع للمطعم الثاني واحاسبلك عن غداك . يوم شاف مافي امل اعطيه كاش قال خلص بسبقك للمطعم الثاني . جلست يمكن 5 دقايق او اقل وجهز طلبي . ووصلت المطعم الثاني ادور الرجال ورجعت مع نفس خطي والرجال اختفى .سألت عنه واحد بالمطعم الاول بعد فتره قال هذا يا يسكر فيهن يايشفط .يجمع خمسين ريال يشتري قنينة موية صحة عرق :biggrin1:

الموقف الثاني كنت في جدة مره : والا بنتين مبرقعات اعمارهن اتوقع من 20 الى 28 كحد اقصى . . في ليموزين وقالن لي : حنا مسافرات وصار على اخونا حادث ودخلناه مستشفى خاص ونقص علينا فلوس عن حسابهم ومالنا الا الله ثم الوجيه الطيبة وعطنا رقم حسابك اول ماناصل ديرتنا نرسلك المبلغ على طول . . انا الشغله كلها مادخلت مشطي ..قلت باي مستشفى مرقد اخوكم ... قامن يلفن ويدورن الزبدة قلت فلوس مافي واذا صحيح اخوكن مريض ومحتاج فلوس علشان يطلع من المستشفى اسبقوني للمستشفى وانا بدفع حسابه هناك . وززززززززززززط وماتشوف غير دخنة الليموزين . :eek5:


الشحذه نوعين :

اول نوع : شحذه مكركبه يعني اللي مكسوره رجله او يده او يسوي حاله متخلف عقليا او ثياب مقطعه وهذا هدفهم 5 ريال كحد اقصى .

النوع الثاني : شحذه هاي كلاس مثل شغلة الفلبيني خوي ليلى :drunk: او قصة البنات اللي فوق . وهذي تهدف الى 50 ريال كحد ادنى .


هههههههههههههههههههههههه، :biggrin1: :biggrin1: :drunk:

ذكرتني بسالفتين:

+ مرة كنت بسوق، وجاتني وحده كاشخه ومرتبه اخر ترتيب تسولف اماراتي ونفس القصة
صار لهم حادث وتبي مساعده، عاد الضحك وين ؟ تعاطفت معها وقلت في نفسي ارحموا عزيز قوم ذل :biggrin1:

وسألتها كم تبي؟ قالت اللي يجي منك .. قلت لها يعني كم ؟

تعمدت اعيد هالسؤال لجل أني مو مقتنعه ان مبلغ بسيط ممكن يحل مشكلتها
وكنت ابي اعرف وش هي ناويه عليه :biggrin1:

يوم حسيتها تستهبل وموراضية تجاوب، قلت لها على بلاطه
ياخيتو انتِ الان تقولي عندك ظرف طارىء ومدري وش، كم تحتاجي لجل تنحل مشكلتك ؟
قالت: أنت عيطيني اللي يجي منك.

قلت لها لا، قولي لي المبلغ اللي تحتاجيه يمكن اقدر اوفره لك من الوالد << وأنا هنا صادقه وربي يشهد .

عاد انا بس قلت الوالد وصارت عيونها برا
قالت مدري، بس اذا ممكن تنتظري شوي :biggrin1: وطلعت جوالها من الشنطة ومدري كلمت مين
ورجعت لي قالت: 15 الف تقدري؟:biggrin1:

قلت لها : مو أنا اللي اقول اقدر والا ما اقدر، أنتِ عطيني رقمك ووين اقدر اتوصل لك
وانا بكلم الاهل واشوف وش ممكن يساعدونك فيه .
هنا حسيتها طارت من الفرحة وبكل غباء الدنيا تقول لي : نتقابل هنا :biggrin1:

قلت لها هنا وين ؟

قالت بالسوق، هنا

عاد أنا فقعت ضحك، قلت لها الان تحسبين اني بجي اسلمك المبلغ وامشي ؟
لا ياخيتو، تحسبينا بنسوي خير بهالطريقة ؟ احنا لازم نسوي الخير بالكامل
يعني نشرف على كل شي بانفسنا .. السيارة اللي تبون تصلحوها
أحنا بطريقتنا بنصلها لكم، واللي بالمستشفى بندفع احنا علاجه بنفسنا
عاد احنا سعوديين وابخص ببلدنا

طالعتني بقرف :tapedshut: وقالت عطيني 100 ريال خلاص .

قلت لها يا بنت الحلال، بنوصلكم لدياركم سالمين وش تبين اكثر ؟

قالت لا مانبي الله يجزاكم خير، هاتي 50 ريال

يوم شفتها كلحه ومافيها فايدة وطبعا نصابه قد الدنيا ... وعشان وقفتي معها بس

عطيتها خمسين وقلت لها تراها بذمتك لو انتِ كاذبه بهالقصة . ومشيت.



قصة ثانيه واقفين نشتري سوبركابتشينو أنا وامي واختي من موكاتشينو
وتجي من ناحيتي وحده لابسه عبايه على الراس وتتنجدن بكلامها، وهو واضح من لكنتها انها مصرية .

طبعا أنا كان شباكي مفتوح لجل هيك جات من جهتي.

اللي معي سكتوا يبغوا يشوفوا ردة فعلي، وأنا بس اطالعها ولا رديت
بصراحه كنت افكر، هي من جدها والا تمزح ؟ تستغفل الناس بهالطريقة ؟
يعني لدرجة ذي متصورة الغباء ...!

وسرحت ومافقت الا على عباراتها يوم هزأتني وقالت :

ردي وجع، حتى مافي على الله ؟؟!:biggrin1:

اللي جنبي كلهم ضحكوا وانا قلت لها : نعم ؟

قالت ماعندك قولي على الله لا تسكتي :eek5: ومشت
LAYLA
06-10-2007, 06:24 PM
هذي شريحة موجوده في اي مجتمع ولا دخل للجنسيات واللغات فيها ومثلها مثل اي شريحه يجب على المجتمع تقبلهم
يعني شريحة شحاتين او شريحة مرتشين او شريحة وزراء او شريحة موظفين او شريحة عاطلين هذه شرائح تكون المجتمعات وهي متماثله من حيث الإنتاجيه سلبيه او ايجابية ولتركيز اي شريحة من شرائح المجتمع تملك صفات الشرائح الأخرى وكلها ابعد ماتكون عن الحاجات وكلها تهدف الى زيادة الفائدة فلا فرق في منظور المجتمع بين وزير مالية وشحات في شارع التحلية من حيث الإنتاجية والسلبيات والإيجابيات وتوافقهما في الهدف فيجب علينا كمجتمع نؤمن بالتكافل الإجتماعي والتفاهم مع جميع شرائح المجتمع ان ندعم وزير المالية في قراراته وندعم ايضا الشحات في خياراته
واذا اخذنا المسئله من منظور اقتصادي فسوف نجد ان الشحات يقدم خدمة جليله الا وهي بقاء المبالغ الماليه بعيدا عن اليه التدوير وبهذا هو يساعد في حل مشكلة التضخم حيث بتجميد امواله تزيد قيمه الأموال المدارة في المجتمع

ابدا مو صحيح يا نوميرسي
الغلط ، والشي السيء مو صحيح أننا نتقبله ونسكت عنه .

لازم يكافه ويعالج بشكل جيد . والا معناه الفوضى راح تعم البلد

اعتقد والله أعلم أنك اخفت في توصيل فكرتك / رأيك
أظن أنك تقصد على المجتمع الاعتراف بوجود هذه الشرايح وعليه ايجاد وسائل للتعامل معها وعلاجها .
مو الرضا والخنوع لوجودها وتقبلها كشيء وراد وحاصل !!!

الخطأ خطأ يا خيو، ماراح نميز فيه بين شحات أو مرتشي أو حتى مرابي !
LAYLA
06-10-2007, 06:29 PM
ههههههههههههههههههههههههههههههههههههه

طيب طيب !

من المواقف التي أذكرها !
كنت انتظر دوري عند صراف آلي !
وكان فيه شحاذ واقف عند الباب !
سحب واحد وهو طالع مد ليه الشحاذ يده وطلبه !
قام الرجّال وعطاه ريال !
ناظر له الشحاذ ( واللي اعتقد انه موسوس ) وقال :
ياخي مستخسر تعطيني من اللي سحبتهم !!!

توحفه ذا، :biggrin1:


أنا مرة شبط فيني ولد افغاني يبيع لبان الا تشتري
قلت له مابي، ما اكل هالعلك أنا، قال طيب عطيني شي .

فتحت الشنطه وعطيته ريال
طالعني باحتقار ورجع لي الريال وعليه حبتين لبان :biggrin1: :biggrin1: :biggrin1: :biggrin1: :biggrin1:



وربي مشى وأنا ميته ضحك عليه :drunk:
نرجسيس
06-10-2007, 06:39 PM
عندي انا الموقف اللي صح!!!
مره كنت طالع من الدمام الى الخبر على طريق ابو حدريه
عند ثاني محطه وقفت لاتزود بالوقود واذا بصاحب كابرس
كحلي قديم من 86 الى 88 موديله ولوحته كويتيه نزلت من السياره ابي احاسب الهندي!!
الا وهو يكلمني....:
ياطيب....
انا استغربت وقلت هذا وش عنده معاه مرته وعياله ويكلمني يمكن مضيع
عادها..يالطيب انا اخوك من الكويت وراجع للكويت بس قصرت علي الفلوس
وابيك تساعدني......
تفاجئت وتعاطفت معاه وسالته تبي حق البنزين قال لا والله بس العيال معي جيعانين
وما معي شي انا قلت الكويت عند خشمي بس عشان الاطفال المساكين ابعطيه..
خذ هذا المقسوم وراح....!
بعد فتره بنفس المحطه جاني وانا اسولف انا وولد عمي بنفس سيارتي
قالي نفس الجمله وبنفس سيارته (انا اخوك من الكويت.....الخ)
قلت انت الظاهر انك ماخذه وظيفه هذاك اليوم وانا معطيك؟؟
قال سلام عليكم ودعس لسيارته بسرعه جنونيه ومسك خط الرياض..!
وبعدها بفتره مهي بعيده المحطه اللي مقابلتها على طول كنت واقف سرا
عند جوفريز انتظر قدامي سياره والا وهذا خويي صاحب الكابرس يكلمني وانا
مقفل القزاز نزلته وقلت ابي اسمعه للاخر الا ونفس الجمله اللي اخبرها..كمل كلامه
وسألته انت عندك مشكله بالذاكره مافهم فهمته السؤال وقال ليه؟؟ قلت ياااخي ترا
رجيتني خذ رقم اللوحه وريحني هاذي ثالث مره وانت ممتحني وتاليتها معك؟؟
تقدم لين بينتله اللوحه وقراها ورسمها لي على الهوا يعني ترا عرفتها ومشى بكل وقاحه!!
وقهرني كنت ابغى بس وسيله وحده توقفه عند حده مالقيت له؟؟؟ نفس السؤال ليلى..
شرقاوي
06-10-2007, 06:47 PM
اعتقد مافيه واحد ماشاهد فلم عادل امام ( المتسول ) اكاد اجزم بان هذا نفس الشيء الذي حاصل بالبلد هناك مؤسسات تدير هؤلاء والا وش معنى هذة الجحافل في كل حي وكل شارع...

كنت في زيارة لمدينة الرخى والشدة جدة وتوقفت امام النافورة لأستمتع بالمنظر وماهي الا لحظات واجد هذا الشخص يقف بالقرب من نافذة السيارة وبعد سرد معاناتة ورغم معرفتي بنهايتها لأن النهاية واحدة عند كل هؤلاء..الا اني قلت اعطيه المجال خليه يفظفظ ونسمع ماعنده ..المهم طلب 50 ريال قلت ماعندي للأسف والا كان ماتأخرت ....قلت الله كريم توكل على الله طبعا قلت يمكن يحل عن سمانا لكن استمر مسمر امام النافذة كنت في لحظتها اتناول عشائي ارخيت الزجاج قلت تفضل لكن اومى براسة بانه لايريد ..فقط يريد ال 50 وش اسوي بهاللزقة ..قلت باسوي فتك يمكن يخاف والا ...اخذت الجوال وكاني باتصل بهيئة مكافحة التسول..(الرجاء الحضور فورا هنا متسول ازعجنا ياليت ترسلو لنا احد يريحنا منه ) طبعا لم يرمش له جفن.......يعني عارف ان هيئة مكافحة التسول ماعندها سالفة ........ادرت المحرك وهو لازال كما هو ليس ببعيد عن الصورة ادناه .......صدقوني الخرم اكبر من الرقعة.....
http://azzzzz.jeeran.com/images/azz19.jpg
فضاءات
06-10-2007, 06:51 PM
عندي انا الموقف اللي صح!!!
مره كنت طالع من الدمام الى الخبر على طريق ابو حدريه
عند ثاني محطه وقفت لاتزود بالوقود واذا بصاحب كابرس
كحلي قديم من 86 الى 88 موديله ولوحته كويتيه نزلت من السياره ابي احاسب الهندي!!
الا وهو يكلمني....:
ياطيب....
انا استغربت وقلت هذا وش عنده معاه مرته وعياله ويكلمني يمكن مضيع
عادها..يالطيب انا اخوك من الكويت وراجع للكويت بس قصرت علي الفلوس
وابيك تساعدني......
تفاجئت وتعاطفت معاه وسالته تبي حق البنزين قال لا والله بس العيال معي جيعانين
وما معي شي انا قلت الكويت عند خشمي بس عشان الاطفال المساكين ابعطيه..
خذ هذا المقسوم وراح....!
بعد فتره بنفس المحطه جاني وانا اسولف انا وولد عمي بنفس سيارتي
قالي نفس الجمله وبنفس سيارته (انا اخوك من الكويت.....الخ)
قلت انت الظاهر انك ماخذه وظيفه هذاك اليوم وانا معطيك؟؟
قال سلام عليكم ودعس لسيارته بسرعه جنونيه ومسك خط الرياض..!
وبعدها بفتره مهي بعيده المحطه اللي مقابلتها على طول كنت واقف سرا
عند جوفريز انتظر قدامي سياره والا وهذا خويي صاحب الكابرس يكلمني وانا
مقفل القزاز نزلته وقلت ابي اسمعه للاخر الا ونفس الجمله اللي اخبرها..كمل كلامه
وسألته انت عندك مشكله بالذاكره مافهم فهمته السؤال وقال ليه؟؟ قلت ياااخي ترا
رجيتني خذ رقم اللوحه وريحني هاذي ثالث مره وانت ممتحني وتاليتها معك؟؟
تقدم لين بينتله اللوحه وقراها ورسمها لي على الهوا يعني ترا عرفتها ومشى بكل وقاحه!!
وقهرني كنت ابغى بس وسيله وحده توقفه عند حده مالقيت له؟؟؟ نفس السؤال ليلى..


يفترض
انك اخذت رقم لوحته ومواصفات سيارته وبلغت أقرب دورية
أعتقد بمجرد ما يكلمونه الدورية ما رايح تشوف وجهه على الأقل بالمنطقة المحيطة فيك واللي مستوطنها الأخ بوقاحة
LAYLA
06-10-2007, 06:58 PM
عندي انا الموقف اللي صح!!!
مره كنت طالع من الدمام الى الخبر على طريق ابو حدريه
عند ثاني محطه وقفت لاتزود بالوقود واذا بصاحب كابرس
كحلي قديم من 86 الى 88 موديله ولوحته كويتيه نزلت من السياره ابي احاسب الهندي!!
الا وهو يكلمني....:
ياطيب....
انا استغربت وقلت هذا وش عنده معاه مرته وعياله ويكلمني يمكن مضيع
عادها..يالطيب انا اخوك من الكويت وراجع للكويت بس قصرت علي الفلوس
وابيك تساعدني......
تفاجئت وتعاطفت معاه وسالته تبي حق البنزين قال لا والله بس العيال معي جيعانين
وما معي شي انا قلت الكويت عند خشمي بس عشان الاطفال المساكين ابعطيه..
خذ هذا المقسوم وراح....!
بعد فتره بنفس المحطه جاني وانا اسولف انا وولد عمي بنفس سيارتي
قالي نفس الجمله وبنفس سيارته (انا اخوك من الكويت.....الخ)
قلت انت الظاهر انك ماخذه وظيفه هذاك اليوم وانا معطيك؟؟
قال سلام عليكم ودعس لسيارته بسرعه جنونيه ومسك خط الرياض..!
وبعدها بفتره مهي بعيده المحطه اللي مقابلتها على طول كنت واقف سرا
عند جوفريز انتظر قدامي سياره والا وهذا خويي صاحب الكابرس يكلمني وانا
مقفل القزاز نزلته وقلت ابي اسمعه للاخر الا ونفس الجمله اللي اخبرها..كمل كلامه
وسألته انت عندك مشكله بالذاكره مافهم فهمته السؤال وقال ليه؟؟ قلت ياااخي ترا
رجيتني خذ رقم اللوحه وريحني هاذي ثالث مره وانت ممتحني وتاليتها معك؟؟
تقدم لين بينتله اللوحه وقراها ورسمها لي على الهوا يعني ترا عرفتها ومشى بكل وقاحه!!
وقهرني كنت ابغى بس وسيله وحده توقفه عند حده مالقيت له؟؟؟ نفس السؤال ليلى..

وسألته انت عندك مشكله بالذاكره مافهم فهمته السؤال وقال ليه؟؟ قلت ياااخي ترا
رجيتني خذ رقم اللوحه وريحني هاذي ثالث مره وانت ممتحني وتاليتها معك؟؟
تقدم لين بينتله اللوحه وقراها ورسمها لي على الهوا يعني ترا عرفتها ومشى بكل وقاحه!!


هههههههههههههههههههههههههههههه، هههههههه الله المستعان
وربي شي يموت ضحك.. :biggrin1: :drunk: ويقهر بنفس الوقت

هذا شكله مسوي له لوحه الكويت وشغال فيها
بس هذا مو شحات، هذا ينقال عنه نصاب :afro:
نرجسيس
06-10-2007, 07:08 PM
يفترض
انك اخذت رقم لوحته ومواصفات سيارته وبلغت أقرب دورية
أعتقد بمجرد ما يكلمونه الدورية ما رايح تشوف وجهه على الأقل بالمنطقة المحيطة فيك واللي مستوطنها الأخ بوقاحة

بيني وبينك قلت ماراح يسوون شي له لان موشغلتهم.....
واكتشفت قبل ايام ان اغلب معارفي يعرفونه وان واحد من زملائي بالعمل
شافه بنفس المحطه التي دارت بها مشاهد النصب وهم يطردونه امن الطرق
بس المره هاذي معاه مرسيدس من القديمات الظاهر انها تطورت معاه بس انكشف.....:ag:
نرجسيس
06-10-2007, 07:13 PM
وسألته انت عندك مشكله بالذاكره مافهم فهمته السؤال وقال ليه؟؟ قلت ياااخي ترا
رجيتني خذ رقم اللوحه وريحني هاذي ثالث مره وانت ممتحني وتاليتها معك؟؟
تقدم لين بينتله اللوحه وقراها ورسمها لي على الهوا يعني ترا عرفتها ومشى بكل وقاحه!!


هههههههههههههههههههههههههههههه، هههههههه الله المستعان
وربي شي يموت ضحك.. :biggrin1: :drunk: ويقهر بنفس الوقت

هذا شكله مسوي له لوحه الكويت وشغال فيها
بس هذا مو شحات، هذا ينقال عنه نصاب :afro:

اقوووولك اكتشفت انه معروووووف انه فلسطيني ومسوي فيها بدوي والله اعلم باللي معاه
بس انا شكيت لما شفت الاطفال قلت هذا نصاب وعرفناه طيب زوجته هي زوجته
والاطفال هم عياله قلت شكيت ان تكون الطفله ابتهال معاه وقلت لازم ابلغ عنه
بس جاني خبره الحمدلله وان شاءالله انهم مسكوه........:punish2:
LAYLA
06-10-2007, 07:16 PM
اعتقد مافيه واحد ماشاهد فلم عادل امام ( المتسول ) اكاد اجزم بان هذا نفس الشيء الذي حاصل بالبلد هناك مؤسسات تدير هؤلاء والا وش معنى هذة الجحافل في كل حي وكل شارع...

كنت في زيارة لمدينة الرخى والشدة جدة وتوقفت امام النافورة لأستمتع بالمنظر وماهي الا لحظات واجد هذا الشخص يقف بالقرب من نافذة السيارة وبعد سرد معاناتة ورغم معرفتي بنهايتها لأن النهاية واحدة عند كل هؤلاء..الا اني قلت اعطيه المجال خليه يفظفظ ونسمع ماعنده ..المهم طلب 50 ريال قلت ماعندي للأسف والا كان ماتأخرت ....قلت الله كريم توكل على الله طبعا قلت يمكن يحل عن سمانا لكن استمر مسمر امام النافذة كنت في لحظتها اتناول عشائي ارخيت الزجاج قلت تفضل لكن اومى براسة بانه لايريد ..فقط يريد ال 50 وش اسوي بهاللزقة ..قلت باسوي فتك يمكن يخاف والا ...اخذت الجوال وكاني باتصل بهيئة مكافحة التسول..(الرجاء الحضور فورا هنا متسول ازعجنا ياليت ترسلو لنا احد يريحنا منه ) طبعا لم يرمش له جفن.......يعني عارف ان هيئة مكافحة التسول ماعندها سالفة ........ادرت المحرك وهو لازال كما هو ليس ببعيد عن الصورة ادناه .......صدقوني الخرم اكبر من الرقعة.....
http://azzzzz.jeeran.com/images/azz19.jpg

ايه كويس ما جاب لك اوراق وشهادات من المستشفى وروشيتات
هالوضع صاير عندنا عادي وزيه زي شرب المويه .

عاد في لعبة خبيثه يسوها
خابرين ان اغلب الناس ناصحين فبطلوا يتشرطوا باخذ الفلوس

وصايرين عادي اذا احد قال لهم نشتريه احنا لكم، يوافقوا
وبمجرد ماتشتريه وتروح، يرجعوا للصيدلاني ويستردوا الفلوس
هذا غير أن بعضهم عصابات متفقه مع الصدليات في هالامور .

شرقاوي خيو، نورت جدة بجيتك أكيد
الياسمين
06-10-2007, 07:24 PM
ههههههههههه صحيح المواقف غريبه وياما نشوف أغرب ..

أذكر وانا راجعة من الجامعة على وقت العصر يعني المزاج قافل حيل ..
والسواق كذلك من الشمس اللي تحرق ..
وقت ما وقفنا عند الإشاره إلا واحد يضرب النافذه اللي جنبي ويطلب ..
وانا ما اعرته اهتمام وما ناظرته .. وهو مستمر بالضرب ..
يوم اشتغلت الإشاره ومشينا إلا نسمع ذاك الصوووووت ..
إلا الأخ طلع رافس السياره من ورااا زين ان الخط سريع وبنكمل طريقنا وإلا كان نزل السواق وما قصر
هو بروحه يموت بهالسوالف وبفرد العضلات ..:drunk:


والله يستر ..:055:
LAYLA
06-10-2007, 07:34 PM
اقوووولك اكتشفت انه معروووووف انه فلسطيني ومسوي فيها بدوي والله اعلم باللي معاه
بس انا شكيت لما شفت الاطفال قلت هذا نصاب وعرفناه طيب زوجته هي زوجته
والاطفال هم عياله قلت شكيت ان تكون الطفله ابتهال معاه وقلت لازم ابلغ عنه
بس جاني خبره الحمدلله وان شاءالله انهم مسكوه........:punish2:

هو مثل ما قال فضاءات.. كان لازم تبلغ عنه .
أنت بس تخيل لو هو يسوي هالحركه مع كل اللي ماسكين الخط ؟
اقصد انهم اكتشفوه .

تخيل لو في كل مرة ياخذ شي من واحد وبعدها الواحد يكتشفه

برايي تكفيه هالمرة الوحده، وتعيشه برفاهيه، لوفكرنا بالاعداد الكبيرة
اللي تمسك هالخط في اليوم الواحد .
LAYLA
06-10-2007, 07:37 PM
ههههههههههه صحيح المواقف غريبه وياما نشوف أغرب ..

أذكر وانا راجعة من الجامعة على وقت العصر يعني المزاج قافل حيل ..
والسواق كذلك من الشمس اللي تحرق ..
وقت ما وقفنا عند الإشاره إلا واحد يضرب النافذه اللي جنبي ويطلب ..
وانا ما اعرته اهتمام وما ناظرته .. وهو مستمر بالضرب ..
يوم اشتغلت الإشاره ومشينا إلا نسمع ذاك الصوووووت ..
إلا الأخ طلع رافس السياره من ورااا زين ان الخط سريع وبنكمل طريقنا وإلا كان نزل السواق وما قصر
هو بروحه يموت بهالسوالف وبفرد العضلات ..:drunk:


والله يستر ..:055:


ايه تصير، بعضهم يسبون ويتطاولوا

بس كمان انتِ وسواقك، ماعذرتوه الرجال واقف في الشمس والحر
ولا حتى رديتوا عليه، بـ على الله :biggrin1: :drunk:

كمان شي يقهر :biggrin1:
سنبلة
06-10-2007, 09:31 PM
هههههههههههههههههههه ليلى ..
ذكّرتيني مرّة بالقاهرة ، كانت ناشبة لنا بنت دايم تقول لنا نكتة ونعطيها جنية ههههههه ..
المهم مرّة خلاص عصبّنا مرة وملّينا ، فـ تقول للي معاي ، عشان خاطري ،
عشان خاطر
<< الحلوة الأمّورة اللي معاك ههههههههههه وتقصدني ..
وحياتك عشان خاطر الئمر ديّ ، الأكيد إنّي خقّيت ، بس هوّ ماعطاها فيس ، المهم يوم شافت ماعطيناها فلوس
صارت تلاحقنا وهي تقول:
واللهي مش ئمر ، دي زفت ، دنا كنتي بكزّب ، هيّا حاقة مُئرفة ازّاي انت متحمّلها هههههههههه يخرب بيتكو كلكو ..
جدّ شوّهت البنت صورتي قدّام الـ شـ اسمه .. :drunk:
أجمل حظ سيء
06-10-2007, 09:54 PM
عندي لكم سالفه صارت على واحد من عندنا بالشرقيه....
طبعا الرجال عنده خير والله منعم عليه وله نشاطات كثيره في التجاره.....
ويعتبر من أعيان المنطقه الشرقيه....
يقــــــــــــــــول:
كنت أصلي صلاة المغرب بالخبر...
أنتهت الصلاه وقام واحد من المصلين...
وبدأ قصته بأسلوب حزين وصوت مجهش بالبكاء....
وأنتهى من الكلام وجلس عند أبواب المسجد....
وقاموا جميع المصلين وأعطوه كلن حسب قدرته...
وبقيت أنتظر حتى بقينا لوحدنا....
وقلت له:
أنا سوف أعطيك مبلغ يغنيك عن السؤال بالمساجد وأعطيته الشيك وبكى كثيرا وأبكاني معه
(طبعا الرجال ماذكر المبلغ)
وثانــــــــــــي يــــــــــــــوم:
كنت معزوم في الدمام وصليت في مسجد يقع خلف الاماره...
واذا بنفس الرجل والاسطوانه والقصه
تمنيت لو أن الموت بيدي لأرسله له....
LAYLA
06-10-2007, 10:37 PM
هههههههههههههههههههه ليلى ..
ذكّرتيني مرّة بالقاهرة ، كانت ناشبة لنا بنت دايم تقول لنا نكتة ونعطيها جنية ههههههه ..
المهم مرّة خلاص عصبّنا مرة وملّينا ، فـ تقول للي معاي ، عشان خاطري ،
عشان خاطر
<< الحلوة الأمّورة اللي معاك ههههههههههه وتقصدني ..
وحياتك عشان خاطر الئمر ديّ ، الأكيد إنّي خقّيت ، بس هوّ ماعطاها فيس ، المهم يوم شافت ماعطيناها فلوس
صارت تلاحقنا وهي تقول:
واللهي مش ئمر ، دي زفت ، دنا كنتي بكزّب ، هيّا حاقة مُئرفة ازّاي انت متحمّلها هههههههههه يخرب بيتكو كلكو ..
جدّ شوّهت البنت صورتي قدّام الـ شـ اسمه .. :drunk:

ههههههههههههههههههه، يلعن شياطينها هالبزر هههههههه :biggrin1: :drunk:

إلا ع فكرة، شسمه .؟ :la
LAYLA
06-10-2007, 10:38 PM
عندي لكم سالفه صارت على واحد من عندنا بالشرقيه....
طبعا الرجال عنده خير والله منعم عليه وله نشاطات كثيره في التجاره.....
ويعتبر من أعيان المنطقه الشرقيه....
يقــــــــــــــــول:
كنت أصلي صلاة المغرب بالخبر...
أنتهت الصلاه وقام واحد من المصلين...
وبدأ قصته بأسلوب حزين وصوت مجهش بالبكاء....
وأنتهى من الكلام وجلس عند أبواب المسجد....
وقاموا جميع المصلين وأعطوه كلن حسب قدرته...
وبقيت أنتظر حتى بقينا لوحدنا....
وقلت له:
أنا سوف أعطيك مبلغ يغنيك عن السؤال بالمساجد وأعطيته الشيك وبكى كثيرا وأبكاني معه
(طبعا الرجال ماذكر المبلغ)
وثانــــــــــــي يــــــــــــــوم:
كنت معزوم في الدمام وصليت في مسجد يقع خلف الاماره...
واذا بنفس الرجل والاسطوانه والقصه
تمنيت لو أن الموت بيدي لأرسله له....

استغفر الله العظيم، وش ذا ياربي
وجوههم ماتعورهم ذولي؟ يارب لاتبلانا يارب

وربي أني اكره نفسي اذا جيت اطلب من اهلي :tapedshut:
ozma
06-10-2007, 11:30 PM
فعلا تأزمت أوضاع المتسولين
حتى عندنا بالرياض عصابات يستأجرون الاطفال من اهاليهم من القرى اليمنيه

موقف صار لي قبل شهرين

طالع انا وثلاثه من اخوياي للشرقيه
وقفنا عند محطه الغيث نزلوني عن البقاله وتقدمو بالسيارة للمحل ثاني بيشترون شاهي
اخذت الاغراض وطلعت من البقاله تقريبا قبل الفجر
وانا ماشي الا ويعترض طريقي ذاك العير ابو شنبات
اول كلمة قالها لي وش فيك تضحك :) وانا اصلا ماضحكت
ويسرد السالفه المعتادة انا متعطل وماني عارف ايش
انا بصراحة خفت المحطة فاضيه مافيها احد واخوياي بموقع مايشوفوني فيه والرجال شكلة شبهه
قلت خلني اعطيه 10 ريال افتك منه
اخذ العشره وطالع فيها وقال لي وهو ينفخ هذي مدة رجال !!!1
<<<<<< انا مو اتشتتتتتتتتتتتتتتتتتتتتتتتتتتت
قلت طيب اسف وانا اخوك محفظتي بالسيارة تعال معي
واخذت العشره منه
قال نجي معاك
اول ماوصلت اخوياي واركب السيارة واقوله ضف وجهك ياحيوان الطرار مايتشرط
مافيه لاعشرة ولاريال
وندعس واخليه
سنبلة
06-10-2007, 11:40 PM
ههههههههههههههههههه، يلعن شياطينها هالبزر هههههههه :biggrin1: :drunk:

إلا ع فكرة، شسمه .؟ :la


ماله اسم .. :drunk:
LAYLA
06-11-2007, 02:46 PM
فعلا تأزمت أوضاع المتسولين
حتى عندنا بالرياض عصابات يستأجرون الاطفال من اهاليهم من القرى اليمنيه

موقف صار لي قبل شهرين

طالع انا وثلاثه من اخوياي للشرقيه
وقفنا عند محطه الغيث نزلوني عن البقاله وتقدمو بالسيارة للمحل ثاني بيشترون شاهي
اخذت الاغراض وطلعت من البقاله تقريبا قبل الفجر
وانا ماشي الا ويعترض طريقي ذاك العير ابو شنبات
اول كلمة قالها لي وش فيك تضحك :) وانا اصلا ماضحكت
ويسرد السالفه المعتادة انا متعطل وماني عارف ايش
انا بصراحة خفت المحطة فاضيه مافيها احد واخوياي بموقع مايشوفوني فيه والرجال شكلة شبهه
قلت خلني اعطيه 10 ريال افتك منه
اخذ العشره وطالع فيها وقال لي وهو ينفخ هذي مدة رجال !!!1
<<<<<< انا مو اتشتتتتتتتتتتتتتتتتتتتتتتتتتتت
قلت طيب اسف وانا اخوك محفظتي بالسيارة تعال معي
واخذت العشره منه
قال نجي معاك
اول ماوصلت اخوياي واركب السيارة واقوله ضف وجهك ياحيوان الطرار مايتشرط
مافيه لاعشرة ولاريال
وندعس واخليه

أما أنتا !! طلعت واحد واحد :biggrin1: :biggrin1:
بس فهمني هالمقطع، مافهمته ترى




اخذ العشره وطالع فيها وقال لي وهو ينفخ هذي مدة رجال !!!1
<<<<<< انا مو اتشتتتتتتتتتتتتتتتتتتتتتتتتتتت
LAYLA
06-11-2007, 02:47 PM
ماله اسم .. :drunk:

ماشاء الله، يعني متعدد الخيارات شسمه ؟ :biggrin1: :drunk:
ozma
06-11-2007, 06:38 PM
أما أنتا !! طلعت واحد واحد :biggrin1: :biggrin1:
بس فهمني هالمقطع، مافهمته ترى

اخذ العشره وطالع فيها وقال هذي مــده رجال ؟ ( يعني قصده الرجاجيل يعطون اكثر)

انا اتشت <<< يعني وصلت حرارتي لل H ومعناها اني انقهرت:biggrin1:
LAYLA
06-11-2007, 06:41 PM
اخذ العشره وطالع فيها وقال هذي مــده رجال ؟ ( يعني قصده الرجاجيل يعطون اكثر)

انا اتشت <<< يعني وصلت حرارتي لل H ومعناها اني انقهرت:biggrin1:

آها، أجل طلعت منت رجال بنظره :p

:biggrin1: :drunk:
ozma
06-11-2007, 07:10 PM
آها، أجل طلعت منت رجال بنظره :p

:biggrin1: :drunk:

شفتي البجاحة :drunk: طرار ويتشرط