مــتــعــب الــتركــــي,, [الأرشيف] - منتديات الكوكب العاشر

شقاوة

12-06-2011, 01:24 AM

متعب التركي شاعر من اروع الشعراء اللي تابعتهم وقرأت لهم ..
كلماته قويه ومدويه ..
حبيت افرد له مكان هنا .. لأنني للأن احفظ قصائده رغم ذاكرتي المعطوبه ..
اتمنى من يجد قصيده لهذا الشاعر الرائع .. يخلدها هنا ... ولكم حبي ..:004:

...........

نسيتني علمني وشلون ابنساك
في هالزمن نسيان الأحباب عادي
شلون لأمرت علي البال ذكراك
وطيفك سرق مني لذيذ الرقادي
وشلون لاقالوا لي الناس وش جاك
من كنت في لذة منامك تنادي
شلون أعيش اللي بقالي بلياك
لامن غدينا كل واحد بوادي
لو قلت أداوى جرحي اللي تباطاك
ماكل جرح يفيد فيه الضمادي
أعلنت حبك لين كلٍ تمناك
غلطه وغيري من خطاي استفادي
لولي مثل قلبك تمنيت فرقاك
واكيد قبلك بالجفا صرت بادي
حلوه عذاريبك وحلوه مزاياك
حتى بيوم فرا قنا كنت هادي
كن الليالي ودها تكسب رضاك
وآنا يطول مع الليالي جهادي
في ذمتي ماهي غريبة خطاياك
مبطي وقلبك لو تنبهت غادي
سهله علي من كان مثلك وشرواك
مثل الثياب يغيرون المبادي
علمني اكره ذكرياتك وطرياك
وانسى من الليلة صدوق الودادي
ولاني بقايل عقبها وين ابلقاك
راضي ولو إن جروح قلبي جدادي
وإلا القصايد جعلها من فداياك
لبستها مبطي ثياب الحدادي
باكر علي المخطي يدورون الأفلاك
ونشوف من يصعب عليه البعادي

شقاوة

12-06-2011, 01:27 AM

الوداع.

قبل اسافر وتنسى جيت اسلم عليك
جيت ابي عمري اللي من ايديني غدا
ضاعت اجمل سنيني من عمايل يديك
أكذب ان قلت راحت لأجل عينك فدى
فرصة العمر قالوا ..لا غدت ماتجيك
جتني اكثر فرص عمري وضاعت سدى
جرب الخوف مرة ..حس به يعتليك
وارفع الصوت..ماتسمع لصوتك صدى
تدري اللي ذبحني قولتك(ماابيك)
مابقالي لثاري لو بغيتة مدى
ماهقيت المشاعر كلها ترتجيك
قل لها..بالمفارق منهو اللي بدا
هاك دمعة عيون(ن) باكية تشتكيك
هاك ريح ضميرن ماستراح وهدى
(ماتناضر عيوني زول هاذي وذيك
ولا يهز المسامع اسم ريم وهدى)
قلت ماعادلي رغبة وشوفات فيك
قلت يانفس طيبي ..يفرحون العدى
قلت عايف ونفسي بالخفا تشتهيك
عزة النفس تدري ..طيب ماهي ردى
((خل عينك تهل دموعها وشعليك.....انت خدك ورود ودمع عينك ندى))

شقاوة

12-06-2011, 01:29 AM

(توديع الاحباب )

توديع الاحباب مثل الموت لة سكرة

ادمي جروحي وشق الصدر منيااا

والقلب طير ضلوع الآدمي وكرة

لاشاقة الطلع لاسلم ولاحيااااا

مصير لاحزان تنساني وتفتكرة

ماكل الأيام بيض وسمحة محياااا

قل غيرها منت لامجبر ولا مكرة

لاصار ماهي غلا ماابي لك حميااااااا

لو في يدي شي ماقلت الوعد بكرة

حزمت حدب الضلووع وقلت لك هياااا

لو كل غالي يجي دايم علي ذكرة

ماصرت اشوفك هناك وحبك هنياااااا

ياليتني لابغيت اكرة قدرت اكرة

ماكان قلبي لياجيت ابكرهك عياااااااا

مادامك معيف رح لكن علي فكرة

ماقلتلي لية دمعك سال منياااااااا

شقاوة

12-06-2011, 01:38 AM

لاتنشغـل فينـي أنابحالـي ادرى
قلبٍ تعلّق فيك ينسى مع الوقت
اكثرمن اللي صارلي ويش يجـرى
بين الرجاوالياس فكـري تعلّقت
مثلي ولوشفته عن همومـه ازرى
ماقال ليتك في جروحـه ترافقت
هاك القصايد لاتضايقـت واقرى
شف وشكثرفيها لبسماتـك اشتقـت
أثرالوفا ينبـاع عنـدك ويـشـرى
ماكنت اصدق فيك واليوم صدّقت
يامشتهـي فرقا المواليـف حـذرى
تبعد وأنا من سكرة الحـب مافقت
لاطافت الفرصه تحريت الاخـرى
وتـروح ماكنـي عليهـا تشوقـت
ساري لو إن الليـل مافيـه قمـرى
اشيل من حمل الهوى فوق ماطقت
لاصارحـظ أقشروالايـام قشـرى
مافيه احد عاقل يلومـك إلياضقـت
صحيح بعض الناس فرقاه بشـرى
وبعض البشرلاغاب ليله تضايقت
ليتك خذيت بليل الاحباب مسرى
غربت من كثر الطواري وشرّقت
السيل يبقاله على القـاع مجرى
ويبقالـك التذكارلوكنـت فارقت
اشوف لك من وين مارحت ذكرى
ولاشفتها صديـت عنهـا ودنـقـت
ماكل جـرحٍ لاخـذا أيـام يبرى
بعض الجروح يزيد شره مع الوقت
.

شقاوة

12-06-2011, 01:52 AM

هذي حفظتها مثل اسمي
قالوا حبيبك يسمع الشعر قلـت إيـه
يقـراه بعيونـي قـبـل تسمعونه
لولاه حتـى طـاري الشعـر مابيه
مير اكتبه من شـان خاطـر عيونه
هو روح شعري وامنياتـه وماضيه
جذع الشجر وش كان لولا اغصونـه
اكتب لغيـره والقصايـد تجـي فيـه
كـن القصايـد حالـفـه ماتخـونـه
هذاك لامنـه زعـل قمـت اهاديـه
حتى وهو مخطـي تعـذرت دونه
يمكن لوانـه يلمـس الجـرح بيديه
يستغرب ان اللـي لمسهـا طعونه
ابطى وهو غايـب وزلـت حراويـه
وأنـا مـن العـام اتحـرى مزونه
هومادرى اني فـي غيابـه محاتيه
ليته نشّدعـن حالـي اللـي يجونـه
وقلبي اللـي تـوه افلـت عراويه
كيف انسرق وضلوع صدري حصونه
عجـزت ارده كـن مانـي براعيه
يوم انتثر شوقه وهاضـت اشجونـه
يبسن عروقـه لكـن اللـي يعزيه
ان اكثـر العالـم تــردد لحونه
خافـوا مـن الله لاتجيبـون طاريه
لاصـرت انـا موجـود لاتذكرونه
لـو كـل غالـي جابـه الله لغاليه
ماشفت لك مخلـوق تبكـي عيونه

غرآآآم

12-07-2011, 01:36 AM

:

ماكل جـرحٍ لاخـذا أيـام يبرى
بعض الجروح يزيد شره مع الوقت
.

لـــــ الرائع متعب التركي :rflow:
ولــــ ذوقك .....:rflow: :kiss:

شقاوة

12-07-2011, 01:40 AM

يسعدوا الذوق منوره ياغرووووومه :ax:

شقاوة

12-16-2011, 01:43 AM

دليل المحبه شوف عيني عليـك تغار (=) ولاودي الحاسـد عيونـك يطالعـهـا
مع إنك رحلت بعيدلكن بقـى التذكار (=) لياشافتـه عينـي تسابـق مدامعها
دفنت الغرام بخافقي والقلوب أسرار (=) مشاعرهقيـت إن الليالـي تضيعـهـا
فرحت برجوعك ماطلبت لخطاك اعذار (=) ونفسي نست ماجرى من تواضعهـا
تهادت مشاعرخاطري لـك بلا معيار (=) تجاهلتهـا لوكـنـت خابر دوافعـهـا
يقولون جنّب درب مالك معـه معبار (=) يلومون نفـسٍ بعدالاحبـاب موجعها
يقولونهـا قبلـي يخـون البحربحّـار(=) والآمواج لاهاجت خذت ماتبي معها
تكاثرت منك الصد وأثرالعلـوم كبار (=) لقيتك علـى نفسـي تقلّـب مواجعها
اقوله وأنا اللي شفت ذاك الغلا ينهار (=) يشوف الندم رجّـال نفسـه يطاوعها
مثل ماضرب جّوٍ خلاغـادي محتار (=) يدّوج ورجله مـادرى ويـن موقعهـا
تعرض سموم القيض والدارمامـن دار (=) هليك وشعربالموت روحـه ينازعها
جحدت الغلا لين امتلا بالخفوق وثـار (=) قصايد عساها اليوم تطـرق مسامعها
غرامك مثل نارٍ حطبها الغـلا النار (=) تموت وغـلاك اللـي بقلبـي يولعها
غلاك بضميري واضحٍ ماعليـه غبار (=) تشيل الغـلا نفسـي وأنا عاجز امنعهـا
يقولون ماودعّك : قلت الفراق وصار (=) والإنسان روحـه تنسلـب مايودعها !
هذيك الليالـي ويـن أثرالزمـن دوار(=) خذاهـا ولاظنـي زمانـي يرجّعها
طوتها السنين ولابقالي سوى التذكار (=) لياشافتـه عينـي تسابـق مدامعها
.
.
.

شقاوة

12-16-2011, 01:45 AM

ماقلت لي شـي وش خليـت ماقلته (=)اسكت وخل الكلام لجرحـي الدامى
لوغيـرك اللـي يسولـف ماتحمّلته (=) لكن على شان عينـك هانـت ألامى
للحـب مفهـوم عمـرك ماتخيلـتـه (=)ماأظـن يستوعبـه تفكيـرك السامى
هذا الفراق الطويـل وهـذي أسئلته (=) هذا حصـاد السنيـن وهـذي أيامى
يامـا ويامـا عليـك البـال طولته (=) والعمرعدى وأنا عايش على أوهامـي
حتى طريق الفـراق اللـي تساهلته (=) لقيته أصعب على نفسي مـن أقدامى
اصبرلـي شـوي لودمـي تثاقلته (=) بحاول أستوعب اللـي صـار قدامـي
الحب ضحكـة بعينـك بـس ماطلته (=) عمرك بهالكون شفت أبسط من احلامي!
القلب لوماخفـق لـك كـان ماشلته (=) ولوماأنت ملهم قصيدي جفت أقلامـي
هـذا قصيـدي بعينـك لو تجاهلته (=) ينزف على شأن يروي قلبك الضامى
العـام طـاري غيـابـك ماتقبلته (=)واليوم حرماني أصبح مصدر إلهامى
لاتعتذرلـي وابنسـى كـل ماقلته (=)وش ينفع العذر لامن ضاعـت أيامى ؟
.

شقاوة

12-16-2011, 01:48 AM

ليه وطيت عن خيل القصيد السروج (=)ليه مديت لي عقب القـراح الهماج

لاتكملي الغلطـات والعـوج عود (=) يضحك حجاج ولاينعقد لي حجاج

إصبرشوي وشعلمك تهوج وتموج (=) ميت القلب مثلك مايعـرف الهياج

ماتعودت اجامـل معتليـن البروج (=)الزم العلم قبل يصير هرجك سماج

المشاعر تجي مثـل المعاصيرهـوج (=) وانت مالك على هوج الرياح احتجاج

جيت وقلوب حسادي تهيج وتروج (=) لاصفا جوهم ساعـه قفـاه العجاج

ابتسملك وهمي فـوج يقفـاه فوج (=) من يحبك لزوم يصير مثلك هجاج

بس قلي وانا غلطان لك ومحجوج (=) وين يلقون لجروح النواعس علاج!!

القمرغاب وأنت اطفيـت نور السروج (=)قلت يكفيك نورالوجه لا اصبح سراج

كن بين الضلوع العوج صفقات موج (=) يوم فاض الغلا والشوق والقلب هاج

ضيقة الصدر لو بين المحاني تلوج (=) كل ضيقه لها عند الكريـم انفراج

ماهوالغيظ سبة كل ابـو هـالهروج (=) بس مالي على بعض السوالف مزاج

شقاوة

12-16-2011, 01:49 AM

مقتطفات لم تكتمل
لك بقلبي غلا واعجاب ماهو بزايل (=) لو عن الارض زال طويق والا سنام

كن دمع العيون اللي على الخد سايل (=) صافي الما وهو يسقى ورود الخزام

راوي العود لاقاصر ولاهو بطايل (=) ينعرف زولها لو هي بوسط الزحام
.
.
.
.
ضحيت بالواقع على شان الاحلام (=) وضحيت بالغالي على شان غالي

حتى الغرام اللي كسر قلبي العام (=) ماني بحاله كان ماهو بحالي

ماينحسب عمر البنادم بالاعوام (=) بعض السنين نعيش فيها ليالي
.
.
.
.
متى ذكرتيني على شان تنسين (=) خليك مره صادقه وانصفيني

في وقت واحد تكرهين وتحبين (=) انا تعبت استحملك واعذريني

حبٍ سرق من عمري ايام وسنين (=) مثل الهوا مايمسكنه يديني
.
.
.
.
احلى سنين العمر راحت هدايا (=) لك يامجازي بالردى راعي الطيب

لي في حياتك ذكريات وخفايا (=) تبقى ولو باكر غزا راسك الشيب

ولا الوفا ماله بقلبك بقايا (=) عند الذي مثلك اظن الوفا عيب

.
.
.
.
ياليت مجروح الهوى جرحه يشاف (=) لقول قرب من جروحك وشفها
.
.
.
.
اليا نشدوك العرب وش بينك وبيني (=) قولي حياتي قصيده ..كان شاعرها
.
.
.
.
علمتني وشلون اصير انعزالي (=) واخذت مني راحة النفس والبال
.
.
.
اتعب وغيري يجي ياخذ على الراحه (=) من حظ غيري وانا اللي زارع وساقي
.
.
.
.
البسي لك ثوب غير اللي عليك (=) من لبس ثوب الغرور اكبر غبي

تحسبين الناس خاتم في يديك (=) من متى والعاطفه توخذ سبي

فز لك قلبي وانا قمت احتريك (=) والكريم يصير لضيوفه صبي

.
.

شقاوة

12-16-2011, 02:05 AM

مرفوض ياللى بعت غيره عشانه (=) أزريت عن رد الجزا أو تهاونت

مابي لك أكثر سد باب الميانه (=) بانت مع الوقت الخفايا وبينت

مادام مالى وسط قلبك مكانه (=) أنا بعد مثلك عن الحب هونت

أنا مثل خيال خانه حصانه (=) عذره يقول من الرسن ماتمكنت

غرّه مع المركاض وارخى عنانه (=) مخطى وانا غلطان يوم انى امنت

لو كنت وافى ماتخون الامانه (=) ياللى تقول تشيب روحك ولا خنت

ذاك الهوى لو ماشعرت بحنانه (=)ماكنت فى حلو القصايد تفنّنت

شاعر تزلزل من فراقك كيانه (=) لك يعترف مايسكن القلب غير انت

لو كان قلبك صافى الود خانه (=)فى ذمّتى ماهان حبّك ولا هنت

أحدٍ يخون وواحد الوقت خانه (=) أنا ترى الثانى وألاوّل تراه أنت ؟

شقاوة

12-16-2011, 02:18 AM

........ طالت السالفه ..........

يوم طاب السهر عيّت تطيب النفوس (=) جت من الله وانا كم كنت محتاجها

كنها من حلاها كل ليله عروس (=) خايفه من عيون الناس واحراجها

حى هالطول يازولٍ عساه محروس (=) من عبث لوعة الايام وازعاجها

تزعل نفوس والا تمتلى غيظ روس (=) من يقرّب لها وضلوعى سياجها

لامتى وانت ياشوق القلوب محبوس (=) طالب السالفه وابطيت بعلاجها

جعل قلبٍ على نار الغياب محموس (=) يحترق بين صاليها ووهّاجها

من خبر له غلا بين الضلوع مغروس (=) غرسةٍ كلبو شعرى من انتاجها

لاتقرب لك الفرقا هذيك الهجوس (=) ( من متى والبحور تفارق امواجها )

لازم اصبر على وجه الزمان العبوس (=) لين سود الليالى يضحك احجاجها

من بغى يقطع الفرجه يعاف الجلوس (=) لين ياصل نهاياتها ومخراجها

كان شعرى قصر ماطال شمس الشموس (=) تستريح القصايد داخل ادراجها

شقاوة

12-16-2011, 02:20 AM

ماهى اول غلا

هذى اللى غلاها مايبى قول قايل (=) هذى اسباب غيضى والرضا والهيام

هذى رسومها بين الضلوع النحايل (=) هذى اللى على صدر القصيده وسام

الاصايل يجنّك مثل أهلهن أصايل (=) والوكاد إنّها منهن بليّا كلام

يوم فلّت على الخصر النحيل الجدايل (=) وإستدارت خجل مدرى تصنّع غرام

عودها مال لو هى ماتبيه يتمايل (=) ماهو بكيفها من لين ذاك القوام

واقف وكن رجلى فوق جرف متهايل (=) للجمال بعيون العاشقين إحترام

قلت فى خاطرى مانى عليها بعايل (=) لكن القلب سابقنى برد السلام

مانى اللى حذف عند الزناد الفتايل (=) يومها ولّعت ناره تغطّى ونام

واجد الزين عند الحاضره والقبايل (=) شفت واجد ومرّنى مرور الكرام

بس هذى وصايفها علوم وهوايل (=) كنّها قطعةٍ من نور بدر التمام

ياكثر ملحها والا الحلا له دلايل (=) حورٍ عيونها والخشم سلّة حسام

كن ذيك الخدود بروق ماتنتخايل لا كساهن شعرها شفت برق وظلام

تعسف الخيل ونفوس البشر تنتحايل (=) مير خيل القصايد مايطيق اللجام

إنتحيت ولقيت القلب مامن صمايل (=) كل ماذعذع الغربى من الشوق هام

ياكثر مانى من الشوق والحب شايل (=) من عشق مثلها وشلون بالله يلام

هذى اللى حلاها مايبى قول قايل (=) ماهى أول غلا لاشك مسك الختام

.
.

شقاوة

12-16-2011, 02:21 AM

صمت هـــ المينا

ياوسيع البال ضيّقت الصدور (=) رحت ماعلّمتنى وين أنت سارى

فى غيابك مال خلق الله حضور (=) وفى حضورك مالهم بالبال طارى

ليه ماتختال يابدر البدور (=) والقصايد لك وصيفات وجوارى

لك بنات الفكر ربات الخدور (=) يكشفن لثامهن والجرح عارى

جعل قلبٍ ماملاه الصدق نور (=) عند وجه الريح مايلقى مزارى

التغاضى عجز لاطال القصور (=) ليه أدارى وأنت بالوضع دارى

الزمااااان قصير والدنيا تدور (=) كل يوم يضيق فى عينى مدارى

صاحبى محتاج لك شعر وشعور (=) وإحتياجى شى ماكان إختيارى

من متى والغصن يختار الطيور (=) من متى والبال يختار الطوارى

لاتسمى صمتى البارح غرور (=) انكسارى خلف هالصّمت متوارى

فى غياب الشمس وش ذنب الزهور (=) والمطر لاشح وش ذنب الصحارى

اللقا لحظات والغيبه شهور (=) تقصر الخطوات ويطول إنتظارى

لو قريت المنكتب وسط السطور (=) ماكتبت لغلطة العمر إعتذارى

صمت هالمينا مثل صمت القبور (=) مارسى مركب ولا لاحت صوارى

.
.

شقاوة

12-16-2011, 02:23 AM

لمثلها والا بلاش

زى لون الطيف وألوان الفراش (=) الهنوف اللى شغلنى صدّها

إن بكت جا دمعها مثل الرشاش (=) وإن تبسّم ثغرها من قدّها

وإن حكت كن بشفايفها رعاش (=) الخجل عن سالفتها لدّها

والطيور اللى جفت حضن العشاش (=) ليتها خلّت بقايا ودّها

عقبها كل الغصون أمست نشاش (=) خاليه عقب الوناسه خدّها

كل قلبٍ فى ذراه الحب عاش (=) فيه طيبه زايده عن حدّها

والقلوب إن فارقت صارت هشاش (=) موحشه والذكريات تشدّها

رفرف البرق وزِمَت بيض الدشاش (=) وامتلا من صافى الما عِدّها

مابنيت بيوت شعرى من قشاش (=) ليه أخاف إن الرياح تهدّها

والهجوس اللى من الفرقا عطاش (=) ترقب نجوم السما وتعدّها

يوم شق النور من ليل القماش (=) شفت حبّة خالها فى خدّها

القصيد لمثلها ولأّ بلاش (=) لو تبى عمرى حشى ماردّها

شقاوة

12-16-2011, 02:26 AM

معاد تستاهل

كل حاجه طعمها مر فى هذا الزمان (=) هم هالدنيا وحنا نعيش لهمّها

المكان اللى عرفناه ماعاد المكان (=) والقلوب أحداث الايام زادت غمّها

صاحبى حتى أنت ماعاد تستاهل حنان (=) أنت بعثرت المشاوير وانت تلمّها

البكا فى مثل هالحال نوع من الهوان (=) والمهونه كل رجال حر يذمّها

صاحبى لو كان للناس والدنيا أمان (=) ماتموت ورود الاحلام قبل نشمّها

خل عنك علوم الاحباب واللى كان كان (=) انتهيت وسيرة الشوق مانى يمّها

كلما تظما لياليك قمت أكتب عشان (=) تنزف جروحى والايام تشرب دمّها

الكلام الموحش يخاف نور الشمعدان (=) تحترق أسمى معانيه قبل يضمّها

من زمان أكتب علشان نقرا من زمان (=) بس ماشفت المكاتيب جابت همّها

شقاوة

12-16-2011, 02:27 AM

و (((( قلوب الرجال ))))

مدرى البارحه ويش إفتكرت وسرحت (=) هى طوارى والا ان هموم قلبى ثقال

هى طرتلى قديم الذكريات ولمحت (=) زول والا الحكايه كلبوها خيال

هجّن ركاب فكرى بالمشاعر وصحت (=) منهو اللى تغافلنى وفك العقال

ضقت والبال عمس ومنقلب فوق تحت (=) هى من شوى يوم تفوح صفر الدلال

ودى افرح ومن مبطى انا مافرحت (=) ودى القا عن شموس الحبايب ظلال

كم سنه عقب مركوز النهد مافتحت (=) قلبى ولا عيونى للغلا والجمال

لو بغيت انتهز فرصات واجد ربحت (=) كانت اجمل فرص عمرى تنادى تعال

ماهو بعيب لازلّيت والا جنحت (=) منهو اللى بلغ فينا حدود الكمال

وانت ياللى عن حدود المحبه نزحت (=) كل ماشد لك حيلى تشد الرحال

ماشكيتك لو انى من جفاك انذبحت (=) وانت شف حكمة الخالق ذبحك الدلال

لا تقول انك بذاك التصرف مزحت (=) يوم سويت فى هاك النهار احتفال

ماهجيتك ولا كنى ابد مامدحت (=) كلبوهن عقب هالعشره اكبر محال

صاحبى دام انا منك وعليك انجرحت (=) لاتجينى على درب الخطا والخمال

تدرى انى تحمّلت الكثير وسمحت (=) خابر ان التسامح من كريم الخصال

ليه تفهم غلط وشفيك لبعيد رحت (=) ماطلبتك تشيل الهم يابن الحلال

ماشغل بالى الا يوم افكر بنحت (=) القصايد واحفّظها قلوب الرجال

قالوا انى بترويض القوافى نجحت (=) قلت اجل كيف لو بزعل وامس الحبال

لو تخوّفت من درب الخطر مافلحت (=) مايهاب الصعاب الا ردى العيال

عكس تيارهم شفنى جزمت وسبحت (=) ماحرصت انى اترك للتراجع مجال

لو طموحى قريّب من زمااان استرحت (=) مير خابر محلى فوق روس الجبال

...

مخلوق من كوكب اخر

12-16-2011, 05:31 PM

ماهو خطا عشان ادور معاذير ولا هو غلط عشان ادور صوابه
اليوم توه عود لوكره الطير واصبح يشوف العالم اكثر رحابه
مستغربين انه ملى قلبي الخير ليه الغرابة! وين وجه الغرابة؟
تعبت ادور للخطاوي مشاوير لين التعب زاد الليالي رتابة
يبكي فرح من شاف بعض التباشير معذور لو دمعه يبلل ثيابة
من كنت بأول خامسة طفل صغير كنت امتلي حزن وغموض وكأبه
كنت أشعر اني غير والمدرسه غير هيمان في جو النبي والصحابة
كنت المح بوجه الليالي تعابير وأقراء همومي قبل أعرف الكتابة
والشعر غاااب وله محبة وتقدير اول غيابه شلت هم لغيابه
بالنفس كان لبعض هالأمر تأثير والليلة اهون من جناح الذبابه