ثرثرة فوق وادي لبن..

[وتين]

طلال: إيييه يالدحمي والله لو عندي كثر هالسيارات ريالات زرقا ..والله ماتشوفني الا راز خشتي ورا كتف الوليد
يعني بيصير مشعل ولد ابو عبدالعزيز احسن مني..يخسي
الدحمي: إيييييه ياطلو والله لو عندي مثل هالغزال والله ماتشوفني الا راز خشتي عند باب بيتهم..
طلال:بتتزوجها؟؟؟
الدحمي:لا .. بس بقصد فيها كل يوم اروح فيه لبيتهم قصيدة
طلال:والله يالدحمي لو تزوجت وتركت خويك طلو لأروح أخذ اخت زوجتك وادلعها دلع عمرك ما تدبره عشان احرك
الدحمي: اصلا بتزوج وحده ماعندها خوات !
طلال: اجل اخذ بنت عمها !!
الدحمي:ولا..اصلا بتزوج وحده مقطوعة من شجره..
طلال:والله انك تيس..يعني بتاخذ وحده مقطوعة من شجره وماعندها اهل ويمكن تكون لقيطه عشان مااتزوج اختها..طيب خوال عيالك وشلون تعرف اصلهم..
الدحمي: هاه!!!! ايه ماعليه المهم اتزوجها عشان ماتتزوج اختها
طلال: بحريقه تحرقك انت وهي..
..................................................
..................................................



منيرة: تهقين ابو عبدالرحمن يسويها؟؟
لولوة: والله مدري وش اقولك يامنيره..يعني لو سواها وش بيحصل احسن منك؟؟تراك صابرة عليه ياوخيتي
منيرة: بس تهقين يسويها ؟؟!
لولوة :وان سواها لاتسكتين له..خذي حقك وحق عيالك من عينه لو توصل للمحاكم..
منيرة: بس تهقين يسويها ؟؟!
لولوة: واذا قالك انا ابو عيالك ومن هالكلام المعسول لا تطيعينه ولامن هددك بالعيال ارمي العيال بوجهه وخليه يبلش فيهم هو والعروس الجديد جعلها الطاعون اللي يشق بطنها..
منيرة: وانا وين اروح ؟؟
لولوة: بيت اختك ياعمري..صح انه ضيق وعيالها واجدين بس هي فتره وبيرجع لك ويحب فوق خشمك بعد
منيرة: ولو طلقني ومارجع..اتزوج غيره؟؟
لولوة: والله اذا الرجال المتقدم زين وش يمنعك..صح انك كبيرة شوي ودبيه بس تراك سنعه..
منيرة:انا الدبيه يالفقمه..على الأقل انا جبت عبدالرحمن وهيله وساره وهاجر ونواف ومطلق ..يابعد تسبدي يامطلق
لولوة: لا بارك الله فيك ..تعايريني بالعيال..ايه طسي جعل ابو عبدالرحمن يتزوج عليك ثلاث كل وحده فيهن احلى منك يالسعليه
منيرة: تهقين يسويها؟؟!
.................................................
_______________________________________
.
.
.

ثرثرة فوق وادي لبن..
تعد ثرثرة غزلت بصوف الواقع ..تظن نساءه بأنهن ممتلكات كغيرهن من الأثاث والزجاجيات الملونة..
ورجاله..يرجون من حمى الجهل والفقر المال والسبايا الحسان..
شظايا مترددة كشباك البريد أعلاه..تشعل الوهم شمعا وتمد للوجع القعيد نبراسا ..وتقليدا




مودتي للجميع..

[مُدن]

تعرفين وتين .
احس اخر شي ممكن يصير أنه الناس عندنا تتغير /تتطور ..!
الثقافات البدائية ، لها تأثير قوي على الناس ، وصعب يتخلصون منها ، أحياناً تلاقين نفسك مجبرة على مخالطتهم بمكان عمل أو شي ،لا أنتي اللي قادرة تتعايشين مع الوضع ، ولا انتي اللي قادرة تغيرينهم ، بصراحة حاجة تقصر العمر زي ما بيقولوا ..:sm95:


:045:

[فضاءات]

وتين
هذا الشعب هو وريث حضارة عتيقة اكتضت بالجواري والحريم والسبايا
فأنّا لها أن تتحرر هكذا

[أملود]

الدحمي:ولا..اصلا بتزوج وحده مقطوعة من شجره..
طلال:والله انك تيس..يعني بتاخذ وحده مقطوعة من شجره وماعندها اهل ويمكن تكون لقيطه عشان مااتزوج اختها..طيب خوال عيالك وشلون تعرف اصلهم..

أجل طلال ما شالله يعرف يقول لقيطه! وش هالطلال الدؤلي الله يحفظه..

[وتين]

تعرفين وتين .
احس اخر شي ممكن يصير أنه الناس عندنا تتغير /تتطور ..!
الثقافات البدائية ، لها تأثير قوي على الناس ، وصعب يتخلصون منها ، أحياناً تلاقين نفسك مجبرة على مخالطتهم بمكان عمل أو شي ،لا أنتي اللي قادرة تتعايشين مع الوضع ، ولا انتي اللي قادرة تغيرينهم ، بصراحة حاجة تقصر العمر زي ما بيقولوا ..:sm95:


:045:

لله يا محسنين..:sm78:

[وتين]

وتين
هذا الشعب هو وريث حضارة عتيقة اكتضت بالجواري والحريم والسبايا
فأنّا لها أن تتحرر هكذا

اوتسمى حرية إن اصبحت كما هو حالها الآن ؟؟

[وتين]

أجل طلال ما شالله يعرف يقول لقيطه! وش هالطلال الدؤلي الله يحفظه..

يعني أنت اللي تعرف تقول ت(خـ)تور ؟؟!
ياعمي طير..:cool:
وبعدين ترى طلال يعيش بالرياض مو بالصحراء.. يعني اقل شي درس وتعلم ويشوف التلفزيون..