دقة الخل خاااااال (جابر هايف)

[عبدالاله الصقر]

يهب النود ويحظنها .. ويطيح من القهـر رجـال
عسى ربي يجازي من حظنها .. ولا أحترم شيبـي
يهب النـود ويتنفـس شـذى أعماقهـا والشـال
يهب النـود ويعانـق جسدهـا وينفضـح عيبـي
يهب النود ويلمس ( آآآه ) وش يلمس وطن وجبال
وأنا ذاك الغريب اللـي بـلا موطـن يهلـي بـي
يدق أبهّا خفوق الأرض ونبضـه رنّـة الخلخـال
وأموت أبهّا أنا وأحيا وهي ماهيـب تـدري بـي
تدنـق تحـت رجليهـا وجيـه الـورد للإجـلال
وينبـت فـي مواطيهـا قلـوب أسيـاد وقليبـي
يـزّم الغيـم نهديهـا وتمطـر بالجنـون أشكـال
وأنا الضامي لنهـد الغيـم ويقنـب للسمـا ذيبـي
حديث الحسن وتحكيهـا شفـاة الملـح باليامـال
ويسجد في نواعسها غريـق ٍ مـات يحكـي بـي
عزفهـا فـي حناجـر الجهـات النـاي للمـوال
وغناهـا عظيـم الطـرق بلسانـي ويغنـي بـي
وش أكثر لو بقول أكثر وبعض الوصـف ماينقـال
كفايه ثوبها يدري وش اللـي تحتـه يبغـي بـي
هنا وهنـاك وهنيـا رشـف فـمّ الثـرى أهـوال
رحيق أقدامها والما وعرقهـا وشعرهـا وطيبـي
هنـا وهنـاك وهنيـا .. ألملـم أغلـب المُغتـال
أحاول أجمـع أجزائـي عشـان أفلـح بتركيبـي
رماد عيون وبعض أنفاس تستنّشق عظيم أجيـال
ونصف إنسان وكان وكان لكان وكـان كلـي بـي
هنا وهناك ولاباقـي هنـا وهنـاك شـي ينشـال
لأنـي فاقـد ٍ كلـي عجـزت أعـيـد ترتيـبـي
أنا مبطـي كـذا مبطـي غريـب وتايـه ورحـال
يعيش أبداخـل أعماقـي عذابـي بعمـر تعذيبـي
أقول تهـون ولاهانـت مـدام الحـظ عـوّد مـال
تعبت أقـول لأوجاعـي دخيلـك ويـن تسريبـي
زنيت الفرحه العاقر وأنـا أدري ماتجيـب أعيـال
عليهـا تستـر أحزانـي ولـو تحكـي تهذريبـي
ولو كانت تبي تنسى وش اللي فـي لقانـا سـال
يذكرّها تـرى المنديـل اللـي كـان فـي جيبـي
تقول أطفال ولا كانت قبل عرفـي تجيـب أطفـال
فلا تبلاني وأبلاها بضميـري يـوم يصحـي بـي
مـدام الذنـب قدّسنـي وصـرت بمعبـده تمثـال
بلقّـي للشقـا وجهـي علشانـه يصـلـي بــي
ويبقى النود أعظم من حظن محبوبتـي ثـم نـال
وهي ماتستحـي منّّـه ويلمـس ( آآآه ) ياشيبـي

[سببرسس]

بصراحة، أنا في حيرة من أمري.
لم أقرأ أبدع وأجمل ولا أذكى ولا (أمكر) من هذه القصيدة.
يتجلى إبداعها في مقدرة شاعرها على توظيف مفردات مغرقة في المحلية، لائذة بالموروث الشعبي "النود، اليامال، يقنب، الطرق" مع مفردات طالعة من قلب الحداثة.
وجميلة، لأن موسيقاها خلابة، وبحرها يغرقنا في قوافي ممتعة.
وذكية لأن فكرتها رغم تكرارها (وصف المحبوبة) تبدو جديدة ومغايرة لما يعتاده المتلقي لقصائد الشعر العامي.
وماكرة، لأنها جعلتني أنا المتحمسة للشعر، المتحررة من قيود تُفرض على الإبداع، أن أفكر أكثر من مرة، في جواز بقائها منشورة هنا.
ماكرة بجمالها، بفتنها الحسية حدّ وصف العملية الجنسية ببراءة ثعلب! يجعل حمل وديع مثلي تقتنع بحجة شاعرها إذا ما واجهته بهذا البيت:
ولو كانت تبي تنسى وش اللي فـي لقانـا سـال
يذكرّها تـرى المنديـل اللـي كـان فـي جيبـي

سيقول: سال دمع عيونها يا روعة :)



جميل يا عبد الإله، بس لا تعودها.



.

[بندر الصقر]

جابر هايف شاعر جميل وتربطنا معه قرابة .. وهو كثير الشطحات والتجاوزات ..

تمنيت انك لم تأت بهذه القصيدة تحديدا يابو زياد .. :soso:

[داوود العايش]

تدنـق تحـت رجليهـا وجيـه الـورد للإجـلال
وينبـت فـي مواطيهـا قلـوب أسيـاد وقليبـي


اعتراف برئ ورضا محب


حديث الحسن وتحكيهـا شفـاة الملـح باليامـال
ويسجد في نواعسها غريـق ٍ مـات يحكـي بـي


يكفي ان في اجزائها اعترافات .... لك

وش أكثر لو بقول أكثر وبعض الوصـف ماينقـال
كفايه ثوبها يدري وش اللـي تحتـه يبغـي بـي


ابداع هالشاعر وصل لمرحلة الملل في وصف وواصل ابداعه ؟؟ كفايه ثوبها يدري



هنا وهنـاك وهنيـا رشـف فـمّ الثـرى أهـوال
رحيق أقدامها والما وعرقهـا وشعرهـا وطيبـي


لاتعليق ...


هنـا وهنـاك وهنيـا .. ألملـم أغلـب المُغتـال
أحاول أجمـع أجزائـي عشـان أفلـح بتركيبـي


احس انه صلب الموضوع

زنيت الفرحه العاقر وأنـا أدري ماتجيـب أعيـال
عليهـا تستـر أحزانـي ولـو تحكـي تهذريبـي



كيف وصل لدرجة هالوصف


انا من جد أشكرك على هالابداع

لاهنت ...

[غرآآآم]

:
:
شطح كثير الشاعر بهذه القصيده :)
لكن جمالهـا في صدق إحساسهـا
وروعة صياغتهــا

جميل يا عبدالإله
لاتحرمنـا روائعك :soso:

[مُضيئة]

.




بالنسبة لرأيي الشخصي
أنفر كثيرا من الوصف المادي البحت كنفور الظلام عند شروق الشمس
وهذه القصيدة نفرت منها كثيرا أسلوبا ومعنى


أهلا بك :rflow:

[عبدالاله الصقر]

جميعا لكم اراء رائعه وذائقه شعريه متميزه
شكرا لطرحكم ولنقدكم ولمروركم