جهه خامسه
08-22-2009, 03:03 AM
إلى الحقيقه المترعه بآلام القاصرات ..
بعض الأنين .....
على هامش الصدفه وعفوية إسترسال ..
.. ودمعة جفن مايقدر الوقت يمسحها
كتبها الزمن هم وعذاب وقرادة حال ..
.. قراها الشّقا مبسوط قام يتصفحّها
أبوها جبرها بإرتباطٍ مع الغربال ..
.. تمصلح بها من عقب ماهو تمصلحها
يبي يشتتري فيها الهنا والغنا والمال ..
.. يبي حاله القشرا ببنته يصلّحها
يقول إفرحي يابنت مبروك هالرجال ..
.. يعدّد مزاياه الفضيعه ويشرحها
أبوها الذرا وإخوانها والعصب والخال ..
.. وكلٍ على الموت البطي قام ينصحها
تبي تعتزي لكن عزاها اسفل المنخال ..
.. يشرّ القراح ويشرب الويل مالحها
شكت لأمها ردّت بدمعه وجفن وشال ..
.. ومع ويلها ويل أمها زود يجرحها
تسيل وتسيل دموع ياحسرة الشّلال ..
.. مصايب جميع الخلق جزء إبملامحها
ألا ياكسيرة طرف ! وش باقي وينقال ؟
.. سئلت الهموم وعاد بالصمت نايحها
تهنّي بموتك يوم دم المحاجر سال ..
.. وخلّي طعونك صادق الموت يفضحها
تقدّم ورا / يافهم عقّالنا الجهّال ..
.. وتل ّ الحقيقه وإفتخر يوم تذبحها
على كف عفويّه عشقت أبعد الترحال ..
.. شريحة بشر في مشرط الحرف أشرّحها
لكم كل الود ...
الرياض / 1/ رمضان / 1430 هـ
بعض الأنين .....
على هامش الصدفه وعفوية إسترسال ..
.. ودمعة جفن مايقدر الوقت يمسحها
كتبها الزمن هم وعذاب وقرادة حال ..
.. قراها الشّقا مبسوط قام يتصفحّها
أبوها جبرها بإرتباطٍ مع الغربال ..
.. تمصلح بها من عقب ماهو تمصلحها
يبي يشتتري فيها الهنا والغنا والمال ..
.. يبي حاله القشرا ببنته يصلّحها
يقول إفرحي يابنت مبروك هالرجال ..
.. يعدّد مزاياه الفضيعه ويشرحها
أبوها الذرا وإخوانها والعصب والخال ..
.. وكلٍ على الموت البطي قام ينصحها
تبي تعتزي لكن عزاها اسفل المنخال ..
.. يشرّ القراح ويشرب الويل مالحها
شكت لأمها ردّت بدمعه وجفن وشال ..
.. ومع ويلها ويل أمها زود يجرحها
تسيل وتسيل دموع ياحسرة الشّلال ..
.. مصايب جميع الخلق جزء إبملامحها
ألا ياكسيرة طرف ! وش باقي وينقال ؟
.. سئلت الهموم وعاد بالصمت نايحها
تهنّي بموتك يوم دم المحاجر سال ..
.. وخلّي طعونك صادق الموت يفضحها
تقدّم ورا / يافهم عقّالنا الجهّال ..
.. وتل ّ الحقيقه وإفتخر يوم تذبحها
على كف عفويّه عشقت أبعد الترحال ..
.. شريحة بشر في مشرط الحرف أشرّحها
لكم كل الود ...
الرياض / 1/ رمضان / 1430 هـ