قلبي مليان حكايات !! [الأرشيف] - منتديات الكوكب العاشر

التوت

11-10-2010, 02:42 AM

ايشبها لو وجهت غرورك للاشخاص المش حاقه
حقيقي انا اتعمد استخدم هالاسلوب مع انو اعتبرها معامله مقرفه جدا بس احب اوجهها دايم للناس ياللي تستحقها عن جداره,واتفنن ,لاني مش ملاك على طول :)
الناس المش حاقه ياللي تعطيها فرصه والف ولاتفهم انو سكوتك لانك ماتبغا تحكي,مكبر دماغك,تحاول تصير طيب وتفوض امرك لله
بس ماش
لازم يزنون على خراب عشهم لحد مايشوفو وجهك التاني ,السيء :)

عشان هما الناس المش حاقه
وعشان فعلا كلام اخوي صح :في ناس لازم تاخد بالجزمه ع راسها وتمشي عدل

وعشان مااصاب بالتجاعيد المبكره
اهم ماعلي بشرتي :la

التوت

11-10-2010, 02:50 AM

احكي لكم عن بلدي :)

التوت

11-10-2010, 03:01 AM

والا بلاش خيبه

التوت

11-10-2010, 03:04 AM

http://www.youtube.com/watch?v=9LMH5zPMn5c

التوت

11-10-2010, 09:23 PM

http://www.youtube.com/watch?v=ehmlwfy26Hg

اعترف انو سبب نكساتي بالحياه هو اني فعلا متل بطلة هالفيلم دا
"منى" عنيده فوق التصور ولما يصير قدامي اختيار فانا اختار اللي اشوفه انا بغض النظر اذا كان بصالحي
واقدر اقول ستوب واتجاوز الوضع بخطوة وحده ,دا مش يعني اني مسبوطه لا ابدا,بس الحياه علمتني كذا.!!
صاحبتي تعلق نفس تعليق بابا وياللي حولي :انتي ليش فجأه تصيرين شيطانه وتسببين الآذى لنفسك ؟!
ليش تكابرين على حساب نفسك ,سعادتك,اختيارك.

التوت

11-10-2010, 09:40 PM

بلدي هاليومين يحاول يطفشني منو
يحاول يخليني استعجل بقراري وأفل,حقيقي انا مايربطني بهالبلد الا كم شخص مهمين بحياتي ,يعني حس الوطنيه معدوم عندي,مع هدا انا ماانكر فضلها علي وعلى غيري,هو صحيح احنا مجتمع متناقض ,بس فينا ياللي قدر يتأقلم ويعيش بكدا شخصيه وفينا ياللي لا

اهل بلدي ممكن ينصدمون لما يصادف انو بسيارتي عند الاشاره وعجبني تصرف لبابا وببساطه اقرب واعطيه هق كبير او بوسه !! ليش ؟ عشانو عيب ..مش عشانه حرام
عشان ممكن يجي تفكير من الناس المش حاقه انو انا راكبه مع صاحبي مش ابوي ووممكن هالمش حاقه يكون عسكري سخيف ويوقفنا ويحقق ساعه ..عشان شو ..عشان بنت اعطت باباتها هق بمكان عام :)
الرجل ياللي مات قبل مية سنه وقبل لايموت جمع افراد القبيله وقالهم دا عيب ودا عيب ومات وسابنا نخبط راسنا بالحيط
ياليته يندرج تحت مسمى الحرام عالاقل يصير مالنا حجة نناقش فيه ,,
هل يعرف انو دا انو سبب ازمتنا كلنا:tongue1:

التوت

11-10-2010, 09:43 PM

http://www.youtube.com/watch?v=gT47jyructs

التوت

11-10-2010, 09:45 PM

عم يخلص قلبي بغيابك

التوت

11-10-2010, 09:52 PM

في جلسه قريبه كنا نحكي عن مواقف ياللي صارت لنا وهيك شي
ووبساطه كنت احكي عن موقف صار لي انا واخوي وصاحبه لما كان عايش فتره معنا :)
الحضور سابو الموقف وفضلو يناقشوني بالاول بطريقه غير مباشره بعدين مباشره
:هو فعلا عشتو مع الرجال بنفس البيت
:لا هو ياللي عاش معنا ..ايش فيها

في بلدي ممكن الناس ياللي تكون عارفه اخلاقك فجأه تجحدك لانو ببساطه انت ماعملت شي حرام لاءه..انتا عملت شي عيب :tongue1:
عيب انو استقبل احد في بيتي بموافقة اهلي وعلمهم ..بس مش عيب ينقال لك بطريقه مبطنه :عديمة تربيه :)
يكفرونك ببساطه ,ويكرهونك الساعه ياللي تبسطت معهم بالحديث وحكيت

التوت

11-10-2010, 09:56 PM

http://www.youtube.com/watch?v=laS9xTf5Xaw

التوت

11-10-2010, 10:03 PM

http://www.youtube.com/watch?v=xFIijkNZoa0

التوت

11-10-2010, 10:08 PM

http://www.youtube.com/watch?v=B_wrp9aJspM

وافتكرت لما جت عيني بعينه
سنيني معاه
وافتكرت وعد كان بيني وبينه
زمان خدناه

التوت

11-10-2010, 10:23 PM

http://www.youtube.com/watch?v=G3fW_3_dwi8

انا اكره الويك اند
لانو وجوده متل عدمه حقيقي ,مافيش فرصه للخروجات ,فيه اما مطعم مقفلينه عليك من كل حته بدعوى الخصوصيه,وفيه مولات عاملين فيها الاطفال والستات مظاهرات من الزحمه,كانو البضايع ح تخلص ويصير مافيه شي بعدين ,كانو الحياه بس شوبينق ,اواكل
لا وفيه ملاهي مفترض تسمى ترفيهه وهي اقرب مايقال عنها موت بس بطريقه مبهدله,

في الكورنيش بس وين تلاقي مكان نظيف,واذ لقيت حيكون عليك تجلس بكامل حجابك عشان ممكن تصير برضو خروجتك الاخيره ,ممكن تكون غريب وتلاقي نفسك فجأه مضطر ترد عل اجابة العسكري ياللي وقف دوريته بنص الشارع عشان يزيد كمية احراجك ..عشانك للاسف اخترت المكان الخطأ وجيت مكان الشباب
وماينسى يشيك عليك بنظراته وهو يسأل:انتي من وين جايه ؟
ماتعرفين انو عيب تجلسين بهالمكان ؟!!
وكأنو هالمكان صار فجأه ملهى او نزلت فتوى تحريم الجلوس فيه

يعني العيب ورانا ورانا :tongue1:

في بلدي الويك اند ممكن يصير يوم القهر العالمي

التوت

11-11-2010, 05:33 PM

http://www.youtube.com/watch?v=RsBI1eE5kI0

فورة الغضب,الحماس,التعمق بالنقاش ..الخ
صرت اشوفها طريق سريع للامراض القلب,اوللموت طوالي,زمان كنت اتلذذ بالنقاش والصدامات في الراي سوا مع اهلي او مع زملاء العمل,كان صوتي ممكن يوصل لاخر الشارع عشان بس اثبت لهم وجهة نظري الصح بالموضوع.
كان اخوي الكبير يسميني "القذافي"هههههههههههههه يقول انتي تجيبي المصيبه ببرود وتقلبين الجلسه بثواني
دحين احس اني كنت متعصبه عالفاضي ,يعني الامور بالنهايه مشت زي مايبغون ,او ممكن تكون اوقات مشت زي ماابغا انا بس بعد ايش بعد ماكون خسرت اعصابي,نفسيتي الحلوه,روقاني..
الان من اشوف بالجو مشروع نقاش والعيون تتحول باتجاهي على طول استاذن ,انشغل بترتيب اظافري,بالتخبيص بجوالي,بالشخبطه على الورق..انشغل بالاندماج الكلي بشي تافه واتعمد يكون تافه ممكن يكون مع الطباخه على المنيو ..

التوت

11-11-2010, 05:36 PM

ودلوقتي احسن :)

التوت

11-11-2010, 05:51 PM

http://www.youtube.com/watch?v=3T-ZP_jLATM

التوت

11-11-2010, 05:57 PM

صاحبتي تتصل فيني باليوم مية مره تشكي لي من حياتها بعده ..
مااقدر اعيش بدونه ياجيهان :)
صاحبتي العبيطه ماتفهم انو لو يبغاها كان حارب الكل عشانها ..ولاافضل عليها وحده تاني بثواني
صاحبتي مخليتني مضطره اسيب جوالي مفتوح 24 ساعه عشان اذا اشتاقت له بالليل او باي وقت بدل ماتتصل عليه تتصل علي..ومفروض علي اسمع للاسطوانه المعاده كل مره ...الله يهدي صاحبتي بس :)

التوت

11-11-2010, 05:59 PM

صاحبتي التانيه تعاني من فوبيا فقدانه..وراضيه تركن عالرف بالاشهر بكل طيبه خاطر
بس لايتركها :)
راضيه بالشي القليل جدا ..بالفتات ...انا ماعرف كيف صارت الاولى بالمدرسه :)

وبرضو لازم احاسب وانا اسمعها والا حكون ميته قلب :177:

التوت

11-11-2010, 07:14 PM

المريح بموضوع صحباتي انهم مايعرفون للنت
او بالاصح مايعرفون الكوكب وعشان كدا ماخده راحتي عالاخر

و

http://www.youtube.com/watch?v=bWZhctWoGTY

التوت

11-11-2010, 07:18 PM

انا مش عديمة احساس ولاقلبي بارد ..انا بس احاول انبههم انو كم مره احنا بنعيش ؟!!
عشان نخلي حياتنا وقف للاشخاص الغلط
ياللي عبيطه ولاتبغا تفهم لاتيجي تشكي لي
عشان انا صراحه لااول مره اصير بصف الرجال واقول يستاهلون صحباتي
عطوهم على روسهم كمان :)
الغبيه ياللي ترضى تكون نمبر تو عمرها ماارح تكون مبسوطه بحياتها
ولاعمرها راح ترضى
ولاعمرها راح تحس بالسعاده
وعمرها...ح يروح ببلاش للاسف :)

وحكايتك ايه ياللي ؟؟:no5:

التوت

11-11-2010, 07:24 PM

عاد نمبر 3 دي صراحه انا احيانا ودي يكون معاي مسدس عشان لاشوفتها جايه بإتجاهي اقتلها واوفر ع حالي صداع وكلام من كتر ماعادت فيه صار مالو طعم
دي ترضى ينام جنبها وهو يسولف مع حبايبه
ترضى تعمل حالها نايمه عشان كرامتها ماتنجرح
زي ماترضى تلاقيه يخونها بكل مطرح ومع ناس تعرفهم كمان

انا كلو بكوم ولما تقولي :ماقدر انفصل برستيجي مايسمح:bored:

هون بس اجزم بالعشره انو زوجها معه حق وانو قليل ياللي يعملو فيها كمان :tongue1:

التوت

11-11-2010, 07:30 PM

وتعلمت ..

التوت

11-11-2010, 07:42 PM

http://www.youtube.com/watch?v=UqBz4jDWgjE&playnext=1&list=PLE744EBDEEAD21FF8&index=7

والفضل ليييك ..

التوت

11-11-2010, 08:25 PM

http://www.youtube.com/watch?v=7bhXV0wJ0hM

:مش ناويه تشيلي النظاره السودا ترا مافي شمس ..
:الا ودي بس عندي حساسيه شديده الظاهر ماركة الماسكرا مش مناسبه لي ..طول عمري كنت احط اقرب عذر لي في وجه اي سؤال وافكر انو قدرت امشي الكدبه بس مش على بابا طبعا..
:طيب عيونك وعرفنا مشكلتها..خشمك ليش احمر هو كمان..
:..
:تقدري تبكي بالخمس دقايق الجايه وبعده ح تسكتي وتاخدي نفس وتحكي لي
:..
:وحياة البابا عندك مين ابن الكلب ياللي مزعلك بس انتي قولي لي مين هو
:ههههههههه بابا ليش دايما تقول كدا افرض اكون انا غلطانه
:لا انتي بنتي واعرفك كويس..هما لو يعرفونك متل ماعرفك انا كان فكرو الف مره قبل لايزعلونك مش عاد يبكونك ..هيا خبريني كل شي ياتوت
:بس متضايقه عشان زحمة الشغل
:وغيره
:بس
:وغيره
:متضايقه عشان ياسمين ماراح تنزل هالعيد للسعوديه
:وغيرو
:بس كدا
:يعني مفروض اصدقك الان
:..
:طيب ليش رجعتي تبكين دحين؟!..وليش كل ماامر من غرفتك اسمع صوتك وصوت الاغاني ؟!ع بالك مااسمعك تبكين
:هو عشان انا صار لي فتره ماقلت لحدا انو الليله عيد ميلادي زي كل مره
:وكمان
:وانو بس الجو متعب وحساسيتي ماتبغا توقف وصدري عورني من البخاخ
:وكمان
:..

التوت

11-11-2010, 08:27 PM

وطلع لي البكي ..

التوت

11-12-2010, 10:01 PM

http://www.youtube.com/watch?v=mNoKXBhiQy0

التوت

11-13-2010, 10:50 PM

:قربنا يلا نزلي رجولك من ع طبلون السياره واجلسي كويس وغطي شعرك ..ويكون افضل لو تغطي وجهك
:يابابا لس باقي 5 كيلو
:نفسي ولو مره تنفذين كلامي بدون لاتقولي بس
:ههههه طيب بس لاتنسى اني هالمره بسمع كلامك بدون شروط
:ولاتنسي اني طالع معاك ومنفذ شروطك .مافي سواق.ولاتلفونات عمل.ولاانشغل باي شي تاني
:اها ولاتنسى انو طلعتنا دي مجامله لصاحبك ياللي مدري من فين جاي يعني عشانو مش عشاني
:طيب لاتنسي اني سبتك تشربي بيبسي كتير مع انو ممنوع لصحتك,واني سمحت لك تسمعيني اغانيك المزعجه طول ال 4 ساعات يالي فاتو
:طيب لاتنسى اني حبيبتك بنت حبيبتك
:ههههههههههه غلبتيني هالمره
:تتوقع راح يحبوني وح انبسط ؟!!
:شور ياماما..بس لو تشيلي التكشيره ياللي بوجهك هذي,وعقدة الحواجب..ترا احنا جايين بمزاجنا مش مغصوبين
:بس انا مبسوطه
:واضح..كم مره صدتك عيونك تدمع ؟!!
:كم مره اقولك من الحساسيه
:ماتبغي تحكي لبابا ؟
:مافي شي ينحكي..القصه صارت وخلصت
:ولما هيا صارت وخلصت ليش انتي كذا؟
:تتوقع عندهم بنات والا بضطر اقابل العجايز متل كل مره !!
:تتوقعين راح تجاوبين ع سؤالي والا تتهربي متل كل مره؟!!
:تتوقع اني شخص كويس ,وانحب؟!!
:مااتوقع الا اكيد
:طيب شكرا
:ههههههههههههه طيب عفوا
:ماتخيلت بريده حلوة صراحه
:"لما اشوفك جالسه تعاقبين نفسك بهالطريقه من اللؤم والشده فانا اتصور انو خسارتك كانت شديده مره..بس وحياتك حتتعوض "
:وعد؟
:شور

التوت

11-13-2010, 10:56 PM

*** (http://www.6rb.com/songs/90.html)

التوت

11-15-2010, 04:09 AM

http://www.youtube.com/watch?v=7cyEkZldWQ0

التوت

11-15-2010, 04:26 AM

http://www.youtube.com/watch?v=7UdzVyVVdxA

نفسي الطب يخترع دواء يتاخد لمره وحده لكل الامراض ونرتاح
يعني انا وحده صراحه اكره ماعلي هو روحة الدكتور
واحب ماعلى قلبي هو رمي الادويه من شباك السياره قبلا لاوصل للبيت

اوقات لما اخد تهزئ من الدكتور واوعده اني اداوم عالدواء فانا حقيقي بنفسي اكون واعده حالي انو مره وحده بالاسبوع باخده ويحمد ربه كمان انو بضطر للمره دي
يعني لو انو الدكتور لما يجي يصرف لعلاج يقولي باي وقت ياتوت بالاسبوع فيك تاخديه ماعندك مشاكل حيكون دا الدكتور حبيبي ولاراح اروح لغيرو ابدا :tongue1:

التوت

11-17-2010, 02:29 AM

يكون يومي اكتر من عيد لما اتصبح بوجه بابا عشان نروح لصلاة العيد
لما يوقفني شوي ويحط يده على راسي يقرأ الاذكار
:يابابا شو تعمل
:اذكر الله عليك
:ياانو ماخد مقلب فيني كبير هههههههههه طيب يابابا معليش راح نتاخر عالعيد
:اووش لاتشغليني
: طيب هات بوسه
:هاتي عينك

التوت

11-17-2010, 02:40 AM

:bored:
بس العيد مايكون عيد طبعا لما يتفقون علي اخواني..احمد ومحمد ولاعمرهم يتفقون الا اذ الشغله تخصني عشان ينبسطون
محمد:توتة قلبي تعالي برى في شي خطير ينتظرك
:روح عن وشي قسم حاسه نصاب
احمد ينادي من بعيد ومشغل الكام توت سي هاي للكام ولجمهورك ههههههههههه
:هههههههههههههههههه وين بابا
برى يستناك يقول مايبغا يصور الا معاك اول وحده
طبعا انا عبيطه وصدقت
ولما طلعت لقيت الخروف مقتول والدم بكل حته وريحته حاجه لاتطاق ومحمد يمسكني الا اجي اشوف عشان اقوي قلبي
واحمد ايده كلها دم ويضحك بهستريا ويقرب يده من وجهي
احس اخواني خايفين اكتر مني ههههههههههههههههه ويكمل تصوير
وصراخي اترجى محمد يسيبني وبابا جالس عالكرسي يضحك مبسووط
:مش قلت لك لاتسمعي كلامهم ترا متفقين عليك
والكام شغاله :bored:
ماانقذني من الموقف الا لما رجعت على ملابس محمد ههههههههههههههههههههه

يستاهلون :drunk:

التوت

11-17-2010, 04:52 AM

http://www.youtube.com/watch?v=iKu1JK45UW0

التوت

11-18-2010, 03:25 AM

http://www.6rb.com/songs/44241.html

التوت

11-18-2010, 04:19 AM

انا انسى بطريقه واضحه جدا,غريبه,انسى الاشياء العاديه,تفاصيلي اليوميه,الباسوردات,مفتاحي,نظارتي,ايش كنت اقول قبل لحظه!
انا انسى بطريقه مرضيه جدا,
:جيهان بلاش عبط وكملي سالفتك هيا
:شو كنا بنحكي والهي نسيت والله
:انتي ملاحظه انو عذرك بكل شي صار "نسيت"
طيب والله انو مش عذر قد ماهو حقيقه,انا نسيت انو عندي عزومه ومفروض اروح ونمت,نسيت انو بابا قالي اتصلي لاوصلتي للمزرعه,نسيت اصلا اخد جوالي,نسيت رقم بابا لما بغيت اتصل عليه من تلفون المزرعه وسالت داده:كم رقمه داده بليز نسيييييت!
نسيت الرقم السري لبطاقتي وانسحبت البطاقه
نسيت باس المنتدى
نسيت اني اخدت الدوا واخدته مره تانيه بعد ربع ساعه
نسيت اقول الكلام ياللي محضرته لما ضربت الملعقه بالصحن انو انتبهو ابغا اقول حاجه..ولما سكتو والتفتو علي كل ياللي قدرت اعمله انو ابتسمت ببلاهة وقلت نسيت ايش كنت ابغا ..اسفه كملو غداكم

التوت

11-18-2010, 09:15 AM

http://www.youtube.com/watch?v=2pFLcN4fYQg

التوت

11-18-2010, 09:19 AM

You never said goodbye
Someone tell me why

التوت

11-19-2010, 04:22 AM

http://www.youtube.com/watch?v=PWdvfV-3Fgo

بيني وبينك في اسرار
وبتعرف احزاني

التوت

11-19-2010, 04:25 AM

http://www.youtube.com/watch?v=4dwFJhNzB0k

التوت

11-19-2010, 04:27 AM

بكره اول يوم دوام ,اعتقد اني الشخص الوحيد ياللي حاب هالشي بعكس سمير اتوقع هههههه
احب عملي مع انو مش مجال تخصصي ,اصلا ولاتخصصي هو مجال اختياري الفعلي ,ظرف ورى ظرف لقيتني فجأه بهالمجال ومع الايام صار بينا الفه ومحبه غريبه,عملي يساعدني اتجاوز فترات انتكاساتي,يبدد وحشتي,يقربني من النجاح,الخط السلمي,وبالمقابل انا اعطيه من وقتي اجمله,
الشي الوحيد ياللي قدرت احافظ عليه من 13 سنه هو عملي ,ودا شي مؤسف جدا ومحبط نوعا ما,لانو توقعت اني قادره احافظ على كل شي بحياتي وكل شي احبه

اعترف انا انسانه فاشله وبجداره بكل شي الا بعملي